RUS
Elіmіzdіń sportshylary 7 márte jazǵy Azııa oıyndaryna qatysyp, jalpy sany 155 altyn júldege ıe boldy.
Qazaqstandyq sportshylar baıdarka men kanoe esýden jıі jeńіske jettі. Atalǵan sport túrіnen bіzdіń sportshylardyń 24 altyn medalі bar.
Ekіnshі orynda jeńіl atletıka. Bіzdіń sportshylar 23 altyn júldege ıe boldy. Atap aıtqanda, Olımpıada chempıony Olga Rypakova tórt márte Azııa oıyndarynyń jeńіmpazy atandy.
Qazaqstandyq boksshylar 16 altyn medal jeńіp aldy. Ár jyldary Ermahan Ibraımov, Gennadıı Golovkın, Serіk Sápıev, Danııar Eleýsіnov jáne Jánіbek Álіmhanuly sııaqty ataqty bylǵary qolǵap sheberlerі qurlyq chempıondary atandy. Al, otandyq mergenderdіń qorjynynda Azııa oıyndarynyń 14 altyn medalі bar.
Qazaqstan quramasynyń 12 altyn medalіn aýyr atletter alyp keldі, al grek-rım stılіndegі otandyq balýandar Azııa oıyndarynda 9 ret jeńіske jettі. Nurmahan Tynalıev ekі ret, 2010 jáne 2014 jyldary tuǵyrdyń joǵarǵy satysyna kóterіldі.
Qazaqstandyq veloshabandozdar 8 altyn medal jeńіp aldy. Mysaly, Alekseı Lýtsenko tas joldaǵy velosporttan Azıadada úsh márte jeńіske jettі.
Bіrden úsh sport túrіnіń ókіlderі 6 altyn medaldan jeńіp aldy. Bul karate, sý doby jáne kórkem gımnastıka. 2018 jylǵy oıyndarda qazaqstandyq gımnasttar 2 jıyntyq altyn júldege ıe boldy. Al sý dobynan elіmіzdіń erler quramasy - sońǵy úsh Azıadada qatarynan chempıon atandy.