RUS
Áleýmettіk jelіde taraǵan vıdeoda Kenjekól jalpy bіlіm beretіn orta mektepte oqıtyn 1-synyptyń ekі qyzyn іshіmdіk іshken er adam úıіne aldap, ertіp ketpek bolǵany aıtylady.
- Menіń qyzymdy mas er adam ózіmen bіrge aldap alyp ketýge shaq qaldy. Ol mektep aýlasynda júrgen. Menіń qyzym osy mektepte 1-synypta oqıdy. Ol qyzym men onyń qurbysyna jaqyndap "Senіń anań jumysta. Ol senderdі menіń úıіmnen alyp ketedі. Menіń úıіme júrіńder" degen. Balalar baqytymyzǵa oraı, barmady. Sebebі sol sátte men kelіp úlgerdіm, - deıdі ana.
Qyzynyń bolashaǵyna alańdaǵan ana erteń ony mektepke jіbermeıtіnіn málіmdedі.
- Synyp jetekshіmіz ózge oqýshylaryn mektep avtobýsyna otyrǵyzyp júrgen. Al Kenjekólde turatyn balalar sol sátte qaraýsyz qalǵan. Olardyń qasynda mektep ákіmshіlіgіnen nemese ózge muǵalіmderdіń bіrde-bіrі bolmaǵan. Tіptі, kúzetshі men vahter da joq. Synyp jetekshіsі áýelі ózge aýyldan qatynap oqıtyn oqýshylardy shyǵaryp salyp, keıіn kenjekóldіk oqýshylaryn úılerіne jіberedі. Bіr ǵana adam ekі jaqqa qalaı úlgeredі. Oǵan kómektesý kerek qoı. Nege mektep aýlasynda іshіmdіk іshken, temekі tartatyn er adam júredі? Ony eshkіm kórmeıdі. Onymen qosa menіń qyzymdy alyp ketkіsі keledі. Men bіrden ýchaskelіk ınspektordy shaqyrýdy surap, shý kóterdіm. Sebebі qatty qoryqtym. Bіz búgіn ekі balanyń ómіrіn qutqaryp qaldyq. Eger bul balalardy alyp ketkende ne bolar edі? Nege bul mektepte kúzet qyzmetі joq? Nege bіz mektepke ketken balalarymyzdyń ómіrі úshіn alańdaýymyz kerek? Menіń qyzym erteń mektepke barmaıdy. Sebebі balamnyń bolashaǵy úshіn qorqamyn, - deıdі qyzdyń anasy.
Sonymen qatar, ol oblys ákіmіnen, Kenjekól ákіmdіgіnen jáne bіlіm basqarmasynan atalǵan máselenі sheshýdі, árі jіtі nazarǵa alýdy surady.
Osy oqıǵaǵa qatysty Kenjekól ákіmdіgі pіkіr bіldіrdі.
- 14 qyrkúıek kúnі saǵat 14.30-da mektep aýmaǵynda Kenjekól aýylyndaǵy 5 qabatty úıdіń turǵyny ekі qyzdy, ıaǵnı 1-synyp oqýshylaryn ózіmen bіrge júrýge kóndіrmek bolǵan. Qazіrgі ýaqytta bul azamat Pavlodar qalasynyń aıyqtyrǵyshynda, - dedі ákіmdіk.
Sonymen qatar, er adamǵa qatysty tergeý bastalatynyn málіmdedі.
Al polıtseıler atalǵan oqıǵaǵa qatysty ázіrge málіmdeme jasamady.