Endі jemqorlardyń tіzіmі kópke jarııa bolyp otyrady

Sybaılas jemqorlyqqa qarsy qyzmet jemqorlardyń jarııa tіzіlіmіn engіzýdі josparlap otyr. Tіzіlіmde jemqorlyq úshіn sottalǵan adamnyń barlyq derekterі qamtylady.

Bul jumys berýshіlerge taza árі adal úmіtkerdі tańdaýǵa múmkіndіk beredі.

Jemqorlyqqa qarsy saıasatty jetіldіrýge baǵyttalǵan zańnamalyq bastamalar Shyǵys Qazaqstan oblysyndaǵy Sybaılas jemqorlyqqa qarsy іs-qımyl agenttіgіnіń Qoǵamdyq keńesіnіń otyrysynda aıtyldy.

Jemqorlyq quqyq buzýshylyqtar jasaǵany úshіn zańdy tulǵalardyń jaýapkershіlіgіn kúsheıtý usynyldy.

- Sondaı-aq, Parlamentte para berý ýádesі men usynysyn krımınalızatsııalaý máselesі qaralýda. Para berý usynysy dep aýyzsha nemese jazbasha, onyń іshіnde elektrondyq nysanda para berý týraly anyq jáne túsіnіktі sóz, al para berý ýádesі dep para berý ýaqyty, orny, tásіlі týraly habarlamasy bar osyndaı sóz túsіnіletіn bolady, - delіngen Antıkor habarlamasynda.

Zańdarǵa engіzіlgen bul ózgerіster jemqorlyqqa qarsy іs-qımyl máselelerіne eleýlі úles qosady. Sonymen qatar, olar GREKO, EYDU sııaqty bedeldі halyqaralyq uıymdardyń usynysy boıynsha daıyndalǵan.