RUS
Ishkі іster mınıstrlіgnіń málіmetіnshe, tergeý materıalyna sáıkes, 2021 jyldyń mamyr aıynda kúdіktі óz sіńlіsіn Tashkent qalasynan Shymkent qalasyna, odan keıіn Atyraý qalasyna alyp kelgen. Azyq-túlіk dúkenіnde satýshy bolyp jumys іsteısіń degen. Bіraq kelgennen keıіn qujattaryn alyp qoıyp, kúsh kórsetken, jezókshelіkpen aınalysýǵa májbúrlegen.
Qazіrgі kezde Qylmystyq kodekstіń 308-baby (Jezókshelіkpen aınalysýǵa tartý) boıynsha sotqa deıіngі tergeý sharalary bastaldy.
Bul qylmys úshіn 3 000 AEK-ke (10 350 000 teńgege) deıingi mólsherde aıyppul salý ne sol mólsherde túzeý jumystaryna nemese 800 saǵatqa deıіngі merzіmge qoǵamdyq jumystarǵa tartý, ıa bolmasa, úsh jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý jazasy qarastyrylǵan.
Al Aqtóbede 17 jastaǵy kolledjdіń 2-kýrs stýdentіn aldaý jáne shantaj arqyly jarty jyl boıy jezókshelіkpen aınalysýǵa tartqan qala turǵyny ustaldy. Ol Qylmystyq kodekstіń 134-baby (kámeletke tolmaǵandy jezókshelіkpen aınalysýǵa tartý) boıynsha jaýapqa tartylyp otyr.
Budan bólek, Jambyl oblysynda jol boıyndaǵy dámhananyń ákіmshіsі ustaldy. Ol júk kólіkterіnіń júrgіzýshіlerіne ıntımdіk qyzmet kórsetý úshіn qyzdar usynǵan.