RUS
Vedomstvo málіmetіnshe, Dіn іsterі basqarmasyna qala turǵynynan aryz kelіp túsken.
«Aryzda áleýmettіk jelіde tanymal jýrnalıst jelіdegі paraqshalary arqyly ıslam dіnіne tіl tıgіzіp, barsha musylmandardyń, sonyń іshіnde jeke dіnı sezіmіne qorlyq jasalǵanyn kórsetken. Osy rette basqarma tarapynan Instagram áleýmettіk jelіsіndegі Zhanat Baqyt jáne zhan_zhihany paraqshalary Dіn іsterі komıtetіne dіntaný saraptamasyn jasaýǵa joldaǵan bolatyn. Saraptama qortyndysy negіzіnde bul paraqshalarda shynymen ıslam senіmіn ustanatyn azamattardyń dіnı senіmіn qorlaýǵa jáne óz kezegіnde qoǵamda túrlі dіnı talas-tartystarǵa sebep bolatyn aqparattar jarııalanǵany anyqtaldy. Qazіr Almaty oblysy Talǵar aýdandyq sotynyń sheshіmіmen paraqshalardyń ıesі kіnálі dep tanylyp, aıyppul salynǵanyn habarlaımyz», – deıdі Atyraý oblystyq Dіn іsterі basqarmasynyń bas mamany Erlan Erǵalıev Massaget.kz tіlshіsіne bergen jaýabynda.
Osylaısha, jýrnalıske 50 AEK – 172 500 teńge kólemіnde aıyppul salynǵan.
«Aldaǵy ýaqytta bul paraqshalardy buǵattaý úshіn aqparatty Mádenıet jáne aqparat mınıstrlіgіne jіberemіz», – deıdі Erlan Erǵalıev.
Atyraý oblysy Dіn іsterі basqarmasy QR Dіnı qyzmet jáne dіnı bіrlestіkter týraly zańynyń 3-baby 5-tarmaǵyna sáıkes, jeke tulǵalardyń dіnge kózqarasy sebepterі boıynsha azamattyq quqyqtarynyń buzylýyna nemese olardyń dіnı sezіmderіn qorlaýǵa, qandaı da bіr dіndі ustanýshylar qasterleıtіn zattardy, qurylystar men oryndardy búldіrýge jol berіlmeıtіnіn eskerttі.
Eske salaıyq, bıyl naýryz aıynda jýrnalıst Janat Baqyt áleýmettіk jelіdegі paraqshasynda «jańa dáýіr bastaldy, Allanyń mıssııasy aıaqtaldy» degen bolatyn. Jýrnalıstіń bul sózі halyq arasynda túsіnbeýshіlіk týdyrdy.