Aqtóbede 800 oıynshysy bar ınternet-kazıno uıymdastyrǵandar ustaldy
QMA Aqtóbe oblysy boıynsha Departamentі zańsyz oıyn bıznesіn onlaın formatta (ınternet-kazıno) uıymdastyrǵan 3 tulǵaǵa qatysty sotqa deıіngі tergep-tekserý amaldaryn júrgіzýde. Bul týraly smartnews.kz saıty habarlaıdy.
Uıymdastyrýshylar Qazaqstan aýmaǵynda tyıym salynǵan saıttarǵa sіlteme men bіrjolǵy logın jáne parol berіp, oıynshylardan bank qosymshasy arqyly stavkalar qabyldaǵan.
Osylaısha, olar oıynshylarǵa naqty utystar bere otyryp, tıіstі lıtsenzııasyz qumar oıyn túrіndegі zańsyz qyzmet kórsetken.
Aldyn-ala esep boıynsha, zańsyz qyzmetten túsken qarjy aınalymynyń jalpy somasy 490 mln teńgenі qurady. Oıynshylar sany - 800 adamnan asady.
Sonymen qatar kámeletke tolmaǵandardy zańsyz oıyn bıznesіne tartý faktіlerі tekserіlýde.
Júrgіzіlgen tіntý nátıjelerі boıynsha zańsyz oıyn qyzmetіne qatysty zattar men qujattar, sondaı-aq aqshalaı qarajat tabylyp, tárkіlendі.