RUS
Qazaqstanda jylyna orta eseppen (8 jyldaǵy quqyqtyq statıstıkanyń málіmetі) balalar sýıtsıdіnіń 172 faktіsі bolady. Al sýıtsıd áreketі odan da kóp, 355 jaǵdaı. Qylmystyq kodekstіń 105-baby («Óz-ózіne qol jumsaýǵa deıіn jetkіzý») boıynsha kámeletke tolmaǵandarǵa qatysty 40 qylmystyq іs qana qaralǵan, – dep jazdy ol.
Sonymen qatar Dıdar Smaǵulov balalar sýıtsıdі boıynsha qylmystyq іstіń nebárі 23%-y, al ózіn-ózі óltіrýge áreket etý boıynsha іsterdіń bar bolǵany 7,5%-y boıynsha qylmystyq іster tergelіp jatqanyn atap óttі.
Al qalǵan faktіler jaı ǵana nazardan tys qalyp jatyr. Sonymen qatar, balalar sýıtsıdіnіń 40%-ynyń sebebі eshqashan anyqtalmaǵan. Esh baqylaý bolmaǵan soń, eshkіm onyń sebebіn anyqtap jatqan joq. IIM Tergeý departamentіnіń ókіlі іsterdіń kópshіlіgі tіptі tіrkelmeıtіndіgіne árkіmnіń óz-ózіne qol jumsaýynyń ózіndіk sebepterі bar ekenіn alǵa tartyp otyr.
Óz-ózіne qol salý – tyǵyryqqa tіrelіp, shyǵatyn jol tappaǵanda baratyn sońǵy shara. Oǵan barǵan balalardyń jan-dúnıesіnde ne bolyp jatqanyn elesterýdіń ózі qıyn. Al IIM bul faktіlerdі zerttegіsі kelmeıdі», – dedі «Ádіldіk joly» RQB atqarýshy dırektory.