RUS
Búgіn ekі bіrdeı kontsert zal ýaqytsha jabylatynyn jetkіzdі.
Astanadaǵy Roza Baǵlanova atyndaǵy «Qazaqkontsert» memlekettіk kontserttіk uıymy» MKQK ornalasqan «Qazaqstan» ortalyq kontsert zaly ýaqytsha jabylatynyn jetkіzdі. Oǵan sebep kontsert zalynyń mańyndaǵy aýmaqta sý qubyry jelіlerіnde tehnıkalyq jumystar júrgіzetіnі. Sol úshіn qonaqtardy qabyldaýǵa jáne bul aralyqta kez kelgen іs-sharany ótkіzýge múmkіndіk bolmaıtyny týraly habarlady.
"Roza Baǵlanova atyndaǵy «Qazaqkontsert» MKU-nyń josparlanǵan kontsertterі: 4 qazan - «Halyq qazynasy» ulttyq óner ortalyǵynyń solısі Álıhan Dúısenbaıdyń kontsertі, 6 qazan - «Halyq qazynasy» ulttyq óner ortalyǵynyń solısі Aızat Qarabektіń kontsertі, 7 qazan - «Qazaqkontserttіń jas talanttary» kontsertі bolmaıdy.
Sonymen qatar, 8 qazanǵa josparlanǵan M.Galkın kontsertіnіń Uıymdastyrýshysy tehnıkalyq jumystar júrgіzіlýі boıynsha memlekettіk organnyń aktіsіne sáıkes, týyndaǵan jaǵdaı týraly resmı túrde habarlandyrylǵanyn, Kelіsіm-shartty bіrjaqty buzý týraly tıіstі habarlama joldanǵanyn habarlaımyz.
2023 jylǵy qazannyń 4-10 kúnderі aralyǵyna josparlanǵan kontserttіk іs-sharalarǵa bıletterdіń satylymy toqtatylýy, satylǵan bıletter qaıtarylýy tıіs", - delіngen QazaqConcert paraqshasynda.
Sondaı-aq 2023 jylǵy 1 qazannan bastap Respýblıka Saraıy jabylady. Oǵan sebep sahnanyń apatty jaǵdaıda bolýy eken.
"Jóndeý-qalpyna keltіrý jumystary mamandarynyń baǵalaýy boıynsha buzýshylyqtardy joıý jónіndegі nusqamany oryndaý úshіn ekі aptalyq merzіm qajet. Sol sebeptі osy merzіmge josparlanǵan barlyq kontsertter toqtatylady.
«Almaty áýenderі» KMQK ákіmshіlіgі jóndeý-qalpyna keltіrý jumystaryn tezіrek aıaqtaý úshіn barlyq tıіstі sharalardy qoldanady" - delіngen Almaty áýenderі paraqshasynda.
Maksım Galkınnіń kontsertі ótetіn tusta ekі bіrdeı kontsert zaldyń jabylýyna kórermender narazy bop otyr. Olar buǵan sebep - Galkınnіń Reseıde "ınoagent" tіzіmіne enýі.