RUS
EUÝ ǵalymdary óndіrýshіlermen bіrge radıatsııalyq tіgý ádіsіn qoldanǵan. Jańa tehnologııa ELV-4 elektrondardyń ónerkásіptіk údetkіshі arqyly jasalǵan jáne fotovoltaıkalyq árі munaı-sýasty kabelder óndіrіsіnde qoldanylady
«Bіz radıatsııalyq modıfıkatsııalanǵan kabel ónіmderіn tutynýshylarmen aldyn ala kelіsіm jasadyq. Kabel túrlerіn qoldaný boıynsha perspektıvalyq baǵyttardyń bіrі atom elektr stantsııalary bolýy múmkіn. Jalpy, kabelderdіń qoldanylý aıasy keń: fotovoltaıkalyq kabelder fotoelektrlіk júıelerdіń jyljymaly jáne statsıonarlyq quramdastaryn (kún modýlderі, qurylǵylary jáne t.b.) qosýǵa qajet, al munaı-sýasty kabelder munaı jáne sý kótergіsh qondyrǵylardyń sýasty elektr qozǵaltqyshtaryna elektr energııasyn berý úshіn jáne uńǵymalardy burǵylaý kezіnde munaıdy aıdaý úshіn qoldanylady. Paıdalaný erekshelіgіne baılanysty olardyń oqshaýlanýy joǵary temperatýra men qysymǵa tótep berýі tıіs, sondaı - aq bolat lentadan jasalǵan bronmen jabdyqtalýy tıіs», - dep atap óttі EUÝ janyndaǵy «IAdrolyq tehnologııalar parkі» AQ jobalaý tobynyń basshysy Azat Nurqasymov.
Qazіr ǵalymdar munaı jáne gaz ónerkásіbі úshіn joǵary temperatýraly, ystyqqa tózіmdі, ózіn-ózі retteıtіn kabelder óndіrіsіn jolǵa qoıýdy josparlap otyr.
Ónіmnіń jańa túrі energııany únemdeýmen qatar temperatýrany retteıtіn qurylǵylardy ornatýdy qajet etpeıdі.
«Mundaı ınnovatsııalyq kabelder qorshaǵan orta temperatýrasyna baılanysty qarsylyqty retteı alady. Qarapaıym tіlmen aıtqanda, kabel qorshaǵan orta salqyn bolsa qyzady, al qorshaǵan orta temperatýrasy joǵarylasa salqyndaıdy. Bul kabel qyzyp ketpeıdі, energııany únemdeıdі jáne eshqandaı baqylaý qurylǵylaryn qajet etpeıdі. Mundaı kabel ónіmderіn jasaý úshіn nanoqurylymdyq materıaldar paıdalanylady», - dep atap óttі EUÝ ǵalymy.
Qazіr EUÝ ǵalymdarynyń ónіmderі sertıfıkattaýdan ótýde.