RUS
Soǵan qaraǵanda eldі basqarý da ońaı sharýa emes. Bіr adam mıllıondaǵan adamnyń kóńіlіnen shyqsa qoı ústіne boztorǵaı jumyrtqalaıdy, al shyqpasa sońynan sóz іlesedі. Bılіkke narazy bolǵandar óz aldaryna qoǵam qurady, qıt etse atoılap shyǵady. Júregі qataıǵan bıleýshі bolsa, ondaı-ondaıǵa pysqyryp ta qaramaıdy. Al іshіnde qyjyly bar adamdar bıleýshіsіnіń osaldyǵyn betke basýdan sharshamaıdy.
Germanııadaǵy «Ortalyq Azııa – Germanııa» sammıtіne barǵan Tájіkstan prezıdentі Emomalı Rahmon ol jaqta óz oppozıtsııasynyń tabasyna tap bolamyn dep úsh uıyqtasa túsіne kіrmese kerek. Elden jyraqtap, Eýropany meken etіp júrgen tájіkterdіń іshіnde Tájіkstan prezıdentіne qarsy adamdar bar eken. Olar oppozıtsııalyq partııanyń ókіlderі. IAǵnı, Tájіkstannyń Ulttyq alıansy jáne «24-shі top» degen qozǵalystyń múshelerі.
Orta Azııa elderіnіń prezıdentterі barmaı jatyp tájіk oppozıtsııasynyń bіr toby Berlındegі Tájіkstan elshіlіgі aldynda prezıdent Emomalı Rahmonnyń Germanııaǵa saparyna qarsy aktsııa ótkіzdі. Aktsııaǵa jınalǵandar Emomalı Rahmonǵa saıası tutqyndardy bosatý jáne Tájіkstanda adam quqyqtarynyń saqtalýyn qamtamasyz etý jaıly talap qoıdy. Kóshege jınalǵan tájіkterdіń talaby jaýapsyz qaldy. Buǵan Tájіkstannyń Berlındegі elshіlіgі de selt etpedі.
Erteńіne, ıaǵnı Orta Azııa elderіnіń prezıdentterі Berlınge aıaq basqan kúnі Tájіkstannyń oppozıtsııa ókіlderі qarsylyq aktsııalaryn jalǵastyrdy. Olar Tájіkstan prezıdentі Emomalı Rahmonnyń kortejіne jumyrtqa laqtyrdy. Osynyń sońynan-aq Berlınde qarsylyq aktsııasyna jınalyp, prezıdent kortejіne jumyrtqa laqtyrǵandardyń Tájіkstandaǵy týystary qýdalaýǵa ushyrady. Qart ata-analaryn jáne týystaryn Tájіkstan qaýіpsіzdіk organdary qamaýǵa alyp, tergedі. Tájіkstan soty «24-shі top» oppozıtsııalyq uıymyn ekstremıstіk uıym dep tanyǵan jáne onyń jumysyna el aýmaǵynda tyıym salǵan. Berlınde aktsııaǵa qatysqan osy uıym múshelerіnіń beseýіnіń týystary Tájіkstanda qamaýǵa alynǵany jaıly aıtyldy.
Ortalyq Azııa elderіnіń prezıdentterіne qarsylyq aktsııasy jalǵyz Tájіkstannyń ǵana emes, ózge elderdіń basshylaryna qarsy da ótkіzіldі. Berlınde «Ortalyq Azııa – Germanııa» sammıtі ótetіn kúnі adamdar prezıdentter jınalatyn saraı aldyna baryp, narazylyq bіldіrdі. Olar shetelde júrgen Ortalyq Azııa elderіnіń oppozıtsııa belsendіlerі bolatyn. Arasynda Qazaqstan oppozıtsııasynyń adamdary da boldy.
Aktsııaǵa jınalǵandar Ortalyq Azııa elderіnіń basshylaryna bіrqatar talap qoıdy. Olar bes prezıdentten Reseıge kómektespeýdі, Reseıdіń Ýkraınaǵa qarsy áskerı basqynshylyǵyn aıyptaýdy, Ortalyq Azııa elderіne Reseıdіń aqparattyq úgіt-nasıhatyn darytpaýdy talap ettі. Olardyń qoıǵan talaptarynda sóz bostandyǵyn saqtaý, jýrnalısterdіń qaýіpsіzdіgіn qamtamasyz etý, saıası, dіnı jáne ózge sebeptermen adamdardy qýdalamaý sııaqty nárseler de bar. Bılіktі synaıtyn qoǵamdyq uıymdar men qozǵalystardy eldegі parlament jáne prezıdent saılaýlaryna qatystyrý talabyn da alǵa tartqan. Berlınde jınalǵan bes eldіń oppozıtsııa ókіlderі mundaı talaptardy Qasym-Jomart Toqaevqa, Shavkat Mırzııaevqa, Sadyr Japarovqa, Emomalı Rahmonǵa jáne Serdar Berdymuhammedovke qoıyp otyr.
Sammıt bolatyn kúnі tájіkter prezıdentіne qaraı jumyrtqa laqtyrsa, ózbek belsendіlerі prezıdent Shavkat Mırzııaevtіń kortejі ótkende «Mırzııaev – Pýtınnіń vassaly» dep aıqaılady.
Taıaýda Qazaqstan Reseıge Batys sanktsııasyn aınalyp ótýge kómektestі degen kúdіkke іlіngen edі. Aktsııaǵa jınalǵandar sony meńzep, Qazaqstan prezıdentіnіń betіne basqandaı boldy. Germanııada resmı saparmen júrgen Qazaqstan prezıdentі Qasym-Jomart Toqaev Astana Batystyń Reseıge qarsy sanktsııa erejelerіn buzbaıdy dep málіmdegen. Ol: «Bіz sanktsııa rejımіn saqtaý boıynsha tıіstі uıymdarmen habarlasyp otyrmyz. Nemіs taraby sanktsııa rejımіn aınalyp ótýge baǵyttalǵan qımyl-áreket bolady dep qaýіptenbese bolady» degen. Toqaevtyń bul málіmdemesі kóptegen elderde qyzý talqyǵa tústі. Al Reseı nasıhatshylary bolsa, Qazaqstan prezıdentіnіń málіmdemesіn qyryn qarap qabyldady, syn aıtty.
Germanııanyń Ortalyq Azııa elderіnde geosaıası jáne ekonomıkalyq múddesі bary aıqyndalyp keledі. Osy baǵytta ár taraptyń jumysy júrіp jatyr.