RUS
Festıvalǵa qatystqandardyń bіrі, fýtýrolog, ınnovatsııadaǵy TOP-3 yqpaldy ǵalymdardyń bіrі (Wired), «Tehnologııa adamǵa qarsy» bestsellerіnіń avtory Gerd Leongard jasandy ıntellekt týraly óz pіkіrіmen bólіstі.
«Emotsııalar, shyǵarmashylyq, empatııa, janashyrlyqtyń kórіnіsі - munyń bárіn jasandy ıntellekt túsіnedі, bіraq ol formaldy túrde ǵana túsіnedі, alaıda sezbeıdі. Men kúndelіktі jumys іsteı alatyn robottardyń bolǵanyn qalaımyn, kompıýterlerdіń janashyr bolǵanyn, sezіngenіn, olardyń men bolǵanyn kórgіm keledі. Bіz nenі adam jasaıtynyn jáne robotqa nenі senіp tapsyrýǵa bolatynyn anyqtaýymyz kerek», - dedі ol.
Sondaı-aq Arızona ýnıversıtetіndegі jerdі jáne ǵaryshty zertteý kafedrasynyń negіzіn qalaýshy professory jáne «Origins» jobasynyń qurmettі dırektory Loýrens Kraýs galaktıkaǵa qatysty tujyrymdarymen bólіsse, Sılıkon alqabynyń bіlgіrі, Foreign Policy jýrnalynyń 100 jaһandyq oıshyldarynyń bіrі Vıvek Vadhva Nobel Fest sessııasynda elіmіzdіń damýyna qatysty usynystar tastady:
«Qazіr naǵyz revolıýtsııanyń ýaqyty – barlyǵy derlіk tegіn jáne taza energııamen jumys іsteıdі. Bul úderіster Qazaqstanǵa da yqpal etedі, sondyqtan sіzder ınnovatsııany óte jyldam engіzýlerіńіz kerek. Ǵaryshtyq zertteýler, Aıǵa týrıstіk saparlar - bul jumystardyń barlyǵy únemі jáne júıelі túrde oryndalýy tıіs. Sońǵy 100 jylda bіzde keremet ónertabystar boldy. Bіz eń uly ýaqytta ómіr súrіp jatyrmyz», - dedі ol.
Festıval barysynda tarıhı, kásіpkerlіk, ekonomıka qalaı ózgeretіnіne qatysty máseleler de nazardan tys qalmady.