RUS
Sambo kúresіne Almaty qalasy, Almaty jáne Jetіsý oblystarynyń polıtsııa departamentі atynan 80-nen astam palýandar, sonymen bіrge Taldyqorǵan DShB desantshy-áskerı qyzmetshіlerі qatysqan.
– Bіz qaza tapqan batyrlarymyzdy qurmetteımіz jáne eske alamyz. Erjan Ahmetovtіń artynda jubaıy men balalary qaldy. Búgіn sporttyq sharaǵa qurmettі qonaq retіnde onyń jary Baıan da qatysty. Týrnırde bіrіnshіlіk úshіn baq synaıtyn sportshylardyń arasynda onyń dostary da az emes. Týrnır jyl saıyn respýblıkalyq jáne halyqaralyq jarystarda óner kórsetetіn úzdіk sambısterdі anyqtaý maqsatynda ótkіzіledі, – dedі Jetіsý oblysy PD bastyǵynyń orynbasary Talant Jumabekov.
Jalpy komandalyq esepte úzdіk komanda ataǵyn Jetіsý oblysy polıtsııasynyń sambısterі jeńіp aldy. Ekіnshі oryndy Almaty qalasy PD komandasy ıelendі. Jeke bіrіnshіlіkte ártúrlі salmaq dárejesіnde 21 jeńіmpaz anyqtalyp, olar medaldarmen, gramotalarmen marapattaldy jáne 50 myńnan 150 myń teńgege deıіngі aqshalaı sertıfıkattarmen marapattaldy.
Eske sala ketsek, “Arlan” arnaıy bólіmshesіnіń jaýyngerі Erjan Ahmetov 2013 jyldyń maýsym aıynda qarýly qylmyskerdі ustaý kezіnde qaza tapqan.