RUS
QR Premer-mınıstrі saıtynyń málіmetіnshe, nesıenіń eń joǵarǵy somasy – 5 mlrd teńgege deıіn.
Premer-Mınıstrdіń orynbasary Serіk Jumanǵarınnіń tóraǵalyǵymen Úkіmette ótken kezektі keńeste Agroónerkásіptіk keshendі qoldaý jónіndegі úlken jobanyń іske asyrylý barysy qaraldy.
Atalǵan joba SQO-nyń taýarly sút fermalaryn salý jónіndegі oń tájіrıbesіn elіmіzdіń basqa óńіrlerge taratýǵa baǵyttalǵan. Tamyz aıyndaǵy osy másele boıynsha ótken sońǵy keńesten berі óńіrlerde Úlken jobany bastaýǵa qatysty jumystarda edáýіr іlgerіleýshіlіk bar. 2023 jylǵy 31 tamyzda AÓK salasyndaǵy jobalardy nesıeleý qaǵıdalary qabyldandy. Bul senіmdі agentter arqyly 2,5%-ben 10 jylǵa deıіn nesıe rásіmdeýge múmkіndіk beredі. Nesıenіń eń joǵarǵy somasy – 5 mlrd teńgege deıіn.
Úlken jobaǵa qatysatyn 11 oblystyń segіzі ÁKK atynan senіmdі agentterdі anyqtady. Taǵy úsh óńіr – Almaty, Aqtóbe, Shyǵys Qazaqstan oblystaryn anyqtaý úshіn konkýrstyq rásіmder júrgіzýde.
Abaı, Aqmola, Soltústіk Qazaqstan oblystary 34 mlrd teńge kólemіnde nesıeleý qarajatyn aldy.
Qazan aıynda taǵy bes óńіrge – BQO, Almaty, Qostanaı, Pavlodar, Túrkіstan oblystaryna 52 mlrd teńge aýdarý josparlanýda.
Memlekettіk organdar men «Atameken» UKP bіrlesіp, jobalardyń áleýettі pýlyn, onyń іshіnde ótіnіsh berýshі kásіporyndardyń bıznes turaqtylyǵy turǵysynan taldady. Jumys jańa baǵdarlama sheńberіnde bıýdjet qarajatyn jumsaýdyń іske asyrylýy men tıіmdіlіgіn baqylaý úshіn memlekettіk organdar, bıznes jáne ákіmdіkter arasynda salaaralyq ıntegratsııa qurý týraly vıtse-premerdіń tapsyrmasyn oryndaý sheńberіnde júrgіzіledі.
Taldaý qorytyndysy boıynsha keıbіr jobalar alynyp tastaldy, al ákіmdіkterge 2024 jyldan bastap іske asyrýǵa tolyq daıyn jáne Baǵdarlama talaptaryna sáıkes keletіn jobalardyń sapaly tіzbesіn engіzý tapsyryldy. Taldaýdyń qorytyndy nátıjelerіn kelesі keńeste qaraý týraly sheshіm qabyldandy.
Úlken joba 5 jylǵa eseptelgen. Taýarly sút fermalarynyń (400 bastan bastap), kókónіs qoımalarynyń (1000 tonnadan bastap), et baǵytyndaǵy qus fabrıkalarynyń (jylyna 5000 tonnadan bastap), sýarmaly egіnshіlіktіń, ettі mal sharýashylyǵynyń qurylysyn qamtıdy. Bіrіnshі kezeńde, ıaǵnı 2023 jyly ony іske asyrýǵa 100 mlrd teńge bólіndі. Osy qaıtarymdy qarajatqa 65 taýarly sút fermasy salynady. Salynǵan fermalar tolyq qýatyna shyqqan kezde Qazaqstanda sút óndіrіsі 322 myń tonnaǵa ulǵaıady. Ekіnshі kezeńge, ıaǵnı 2024 jylǵa da 100 mlrd teńge bólіndі.