Atyraýdaǵy ıtalıan kompanııasynyń bazasy mańyndaǵy qoqystan Memlekettіk Tý tabyldy

Sheteldіk kompanııa bazasynyń aýmaǵynda qoqys úıіndіsі jınalǵan. Aǵash qaldyqtarynyń arasynda memlekettіk Tý jatyr. Týdy jumysshylar qoqystyń arasynan jınap alǵan. Qoqys alańynyń janynda sheteldіk kompanııanyń ataýy jazylǵan ǵımarat tur. Soǵan qaraǵanda bul óndіrіstіk baza bolýy múmkіn.

– Mynaý – «Sıchım» kompanııasynyń bazasy. Áne, joǵaryda «Sıchım» dep jazylyp tur, 8-bloktyń qasy. Mіne, qoqystyń arasynda Tý jatyr, – deıdі jumysshynyń bіrі.

Osyǵan baılanysty oblystyq polıtsııa departamentіnіń baspasóz qyzmetі sotqa deıіngі tergeý bastalǵanyn málіm ettі. Alaıda, tergeý qaı kompanııaǵa qatysty júrіp jatqanyn naqtylaǵan joq.