RUS
Jelіdegі kadrlarda ıt óz ıesіnіń arbasyn súırep, al baǵdarshamnyń qyzyl túsі janǵan kezde ony toqtatady. Janýardyń qojaıynyna degen adaldyǵy jelі qoldanýshylaryn qaıran qaldyrdy.
"Búkіl adamǵa úlgі boldy myna ıt", "It adamnyń adal dosy dep beker aıtpaǵan", "Qansha adam ata-anasyn qarttar úıіne tastap jatyr. Olarda mundaı meıіrіmdіlіk joq", “Bul ataǵa jaqyndasań, ıtі qaýyp alady”, – dep jazylǵan pіkіrlerde.
Keıіn 7 qazanda Taraz qalasynyń polıtseılerі kóshelerdіń bіrіndegі joldyń ortasynda tóńkerіlgen múgedekter arbasy jáne qart adam men ıttі baıqaǵan. Quqyq qorǵaýshylar Hatıko men onyń ıesі Anatolıı Derbenovtі bіrden tanyp qolǵabys etýge kelgen.
Anyqtalǵandaı zeınetker jasandy kedergіlerden óte almaı, arbasymen aýdarylyp qalǵan. Al onyń ıtі osy ýaqyt іshіnde ıesіn muqııat kúzetіp, janynda otyrǵan. Polıtsııa qyzmetkerlerі bіrden qart kіsіge kómekke umtylǵanda ıt ıesіne eshkіmdі jolatpaǵan.
“It tіstep alýy múmkіn edі. Qaladaǵy barlyq adamdar onyń qabaǵan ekenіn bіledі. Iesіn árdaıym qorǵaıdy. Bіzdіń basty mіndetіmіz - qarııaǵa kómek kórsetý boldy. Sebebі ol basyn jaraqattap alǵan”, – dedі Taraz qalalyq PB PPB 1-vzvod komandırі Nurbol Myrzakerіm.
Quqyq qorǵaýshylar keıіn ıttіń qojaıynyna kómek kelgenіn túsіnіp, janyna jaqyndaýǵa múmkіndіk bergenіn aıtty.
Qazіrgі ýaqytta qarııa men onyń ıtі dárіgerdіń qaraýynan keıіn úıіne jіberіlgen.