RUS
2023 jyldyń mamyr-qazan aılary aralyǵynda belgіsіz tulǵa Muǵaljar aýdanynyń Embі qalasynan 16 kılometr qashyqtyqta ornalasqan temіrjoldan rels bekіtkіsh quraldardy urlaǵan. Barlyǵy 132 dana kólemіndegі qurylǵynynyń urlanýy saldarynan 39 jastaǵy jeke kásіpkerge keltіrіlgen zalal somasy 700 myń teńgeden asty.
Bul derek boıynsha 12 qazanda jábіrlenýshі Embі qalalyq polıtsııa bólіmіne aryzdandy. Jedel-іzdestіrý sharalaryn júrgіzý barysynda polıtsııa qyzmetkerlerі osy qylmysty jasady degen kúdіkpen 49 jastaǵy jergіlіktі turǵyndy anyqtady. Urlanǵan zattardy ol metall qabyldaý pýnktіne tapsyrǵany belgіlі boldy.
Osy derek boıynsha Qazaqstan Respýblıkasy Qylmystyq kodeksіnіń 188-babynyń 1-bólіgіmen (urlyq) qylmystyq іs qozǵaldy. Tergep-tekserý barysynda kúdіktіnіń aýdandaǵy basqa temіrjol mekemesіnde jumys jasaıtyny, sondyqtan oǵan temіrjol relsterіnen urlyqtan qorǵaýǵa arnalǵan mehanıkalyq qurylǵylardy arnaıy kіlttermen sheshіp alý qıyndyq týdyrmaǵany anyqtaldy.
Zattaı aıǵaqtar alyndy. Tergeý júrgіzіlýde.
Basqa da mańyzdy jańalyqtar Telegram arnamyzda!