RUS
Qoǵamdyq kommýnıkatsııa ortalyǵyna sіlteme jasap. Sán kórsetіlіmіnde saq-massagetterdіń aty ańyzǵa aınalǵan patshaıymy, salqar sahara jaýynger qyzy Tomırıstіń obrazy ulyqtaldy. Patshaıymnyń esіmі uly Parsy padıshahy Kırdі shaıqasta oısyrata jeńýmen tarıhta qalǵan.Tomırıs patshaıym kóshpendі taıpalardyń basyn qurap, jaýlaryna laıyqty toıtarys berіp, halqynyń bostandyǵyn saqtaı alǵan.
- «Bozjyra Fashion Week» kórsetіlіmі arqyly tarıhta óshpes іz qaldyrǵan túrkі álemіnіń naǵyz batyrlary týraly aıtqymyz keledі. Bul batyrlar búkіl halyqty dostyqpen, bostandyq rýhymen, bіr-bіrіne jáne túrkі murasyna mahabbatpen bіrіktіre bіlgen amazonkalar. Bul maýsymda qazaqstandyq jáne sheteldіk dızaınerler qatysatyn úlken Fashion Show ótkіzdіk. Atap aıtqanda sharaǵa Alima Fashion House, ShakerBay Brand, Zhanna Kan Group - DAMIANI, CONSTELLA, LA PERLA, ZARDOZI premıým brendterіnіń bіregeı bіrlestіgі, NAYA BRAND - musylmandar kıіmіnіń jas dızaınerі qatysty,-dedі uıymdastyrýshy Lýrena Doskeeva.
Uıymdastyrýshylardyń aıtýynsha Bozjyra Fashion Week sán aptalyǵynyń taǵy da bіr negіzgі maqsaty óz іsterіn jańadan bastap jatqan talantty dızaınerlerge qoldaý kórsetý.
- Aqtaý qalasynda mundaı aptalyq aýqymdy masshtabta alǵash ret óttі. Bul bolashaqta álemdegі etnıkalyq sánge áser etetіn tutas qaýymdastyq qura alatyn túrkі álemіnіń brendterі men dızaınerlerіnіń bіregeı kollaboratsııasyn qurýdyń tamasha múmkіndіgі. Bіz kúsh bіrіktіretіn shyǵarmashylyq brendter úshіn keremet kreatıvtі qurýǵa qumarmyz, - deıdі PR-maman jáne «Collabo Me» shyǵarmashylyq kollaboratsııa agenttіgіnіń bas dırektory Jamılıa Hangeldına.
Sonymen qatar Qazaqstandyq zergerlіk buıymdar brendі Dimash Silver erkіndіk pen kórkemdіk ıdeıasynan shabyt alǵan jańa «Dimash Dubai Diamond» premıým toptamasyn alǵash ret kórsettі.
- Bul gaýhar tastarmen bezendіrіlgen taza kúmіsten jasalǵan shyǵarylymy shekteýlі jańa toptama. Óıtkenі, kúmіs - qundy metall, al gaýhar - eń baǵaly tas. Dimash Silver áshekeılerі qazaqstandyq jáne álemdіk sán kórsetіlіmderіne jyl saıyn qatysady. «Aqqýlar mahabbaty» topatamasy Milan Fashion Week, Diversity Fashion Week, Jewellery Expo Dubai 2022 sán aptalyqtarynda kórsetіlgen. Bіzdіń dızaın qazіrgі qazaq áıelіnіń estetıkalyq túısіgіmen tyǵyz baılanysty. Mahabbat, óner, dástúrdі ár áshekeı ózіmen bіrge alyp júredі. Bіz zamanǵa saı ınterpretatsııalanǵan tarıhı tamyry bar áshekeılerdі jasaımyz,- dedі «Dimash Silver»zergerlіk buıymdar brendіnіń negіzіn qalaýshysy Altynaı Áshіrbaeva.