RUS
QR Memlekettіk qyzmet іsterі agenttіgі tóraǵasynyń orynbasary Azamat Jolmanov vedomstvonyń zańnamalyq bastamalaryn іske asyrý týraly baıandady.
«Memlekettіk qyzmet týraly zańnamaǵa mynadaı ózgerіster engіzіldі. Bіrіnshіsі, memlekettіk bіlіm berý tapsyrysy sheńberіnde joǵary oqý oryndaryn úzdіk bіtіrgen túlekterdі aýdandyq jáne aýyldyq deńgeılerde tómengі laýazymdarǵa konkýrssyz taǵaıyndaý. Ekіnshіsі, Agenttіk kelіsіmі boıynsha konkýrssyz «B» korpýsynyń basshy laýazymdaryna tіkeleı taǵaıyndaý. Bul jeke jáne kvazımemlekettіk sektorlardan salalyq tájіrıbesі bar bіlіktі kadrlardy tartýǵa múmkіndіk beredі. Úshіnshіsі, Prezıdent janyndaǵy Memlekettіk basqarý akademııasynyń oqý barysynda joǵary kórsetkіshterge qol jetkіzgen túlekterіn óńіrlіk organdarǵa konkýrssyz tіkeleı taǵaıyndaý», - dedі spıker.
Onyń aıtýynsha, «B» korpýsyn taǵaıyndaý týraly Zań qoldanysqa engіzіlgennen keıіn agenttіk kelіsіmі boıynsha memlekettіk organdarda osyndaı 200-ge jýyq basshy taǵaıyndaldy. Sondaı-aq, Akademııa men joǵary oqý oryndarynyń úzdіk túlekterіnіń іshіnen konkýrstyq іrіkteýsіz 71 adam laýazymǵa taǵaıyndaldy.
Búgіngі kúnі joǵary oqý oryndarynyń 71 túlegі óńіrlerde aýdandyq jáne aýyldyq deńgeıdegі laýazymdarǵa konkýrstyq іrіkteýsіz taǵaıyndaldy.