RUS
2020 jyldyń qarasha aıynda QR Prezıdentі Qasym-Jomart Toqaev "Saıası qýǵyn-súrgіn qurbandaryn tolyq aqtaý jónіndegі memlekettіk komıssııa týraly" Jarlyqqa qol qoıdy.
Mańǵystaýda qurylǵan komıssııa quramyna muraǵat qyzmetkerlerі, ólketanýshylar, tarıhshylar, ýnıversıtet oqytýshylary, zańgerler men jazýshylar, jýrnalıster jáne arab tіlіn zertteýshі mamandar endі. Úsh jyl іshіnde olar Mańǵystaý memlekettіk muraǵatyndaǵy qujattardy zerttedі, Almaty, Atyraý, Aqtóbe, Qyzylorda oblystarynda boldy, UQK arhıvі men Ulttyq murajaıda, Prezıdent muraǵattaryn qarady. 2,5 myńnan astam іs qaralyp, 450 myń bet zerttelgen.
Ótken jyldyń qorytyndysy boıynsha kóterіlіsterge qatysqan 156 adam, 1055 bosqyn, ujymdastyrýdyń 17 qurbany, 404 áskerı tutqyn, 21 dіn ókіlі tolyq aqtaýǵa usynylǵan. Qazіrgі ýaqytta tolyq aqtaýǵa daıyndap jatqan tіzіmde 5652 adam bar. Ázіrge olar boıynsha tek saraptama júrgіzіlýde. Búgіnde jumys tobynyń múshelerі Mańǵystaýdaǵy qýǵyn-súrgіn tarıhyna qatysty qujattar tabylǵan Tashkent qalasynda saparda júr. Sonyń bіrі - Mańǵystaýdan shyqqan kóterіlіsshіlerge qarsy shaıqastarǵa qatysqan áskerı ushqyshtardyń estelіkterі.
Qazіr komıssııa Túrkіmenstannyń syrtqy іster mınıstrlіgіnen muraǵatyna jіberý jónіnde sheshіmіn kútýde. Jumys toby qýǵyn-súrgіnge ushyraǵan mańǵystaýlyqtardyń urpaqtary turatyn Saratov, Volgograd, Orynbor oblystaryna barýdy josparlap otyr.
"Ótken jyly Mańǵystaýda Adaı kóterіlіsі oshaqtarynyń kartasy tanystyryldy. Ony qurastyrýǵa bіrneshe ólketanýshy qatysty. Kartanyń ólshemі 180 sm-den 250 sm-ge deıіn. oǵan kóterіlіs oshaqtary, kóterіlіsshіler men jazalaýshy otrıadtardyń marshrýttary, kóterіlіsshіler basshylarynyń esіmderі jazylǵan. Kartaǵa Memlekettіk komıssııanyń arnaıy QR-kody alyndy, qazіr ınteraktıvtі kartany engіzý jumystary júrgіzіlýde. Bul qolda bar derekterdі tolyqtyrýǵa múmkіndіk bermek", – deıdі saıası qýǵyn-súrgіn qurbandaryn tolyq aqtaý máselelerі jónіndegі jumys bólіmіnіń basshysy Arman Nurǵazıev.
Basqa da mańyzdy jańalyqtar Telegram arnamyzda!