RUS
Marǵulan ýnıversıtetі gýmanıtarlyq ǵylymdar joǵary mektebіnіń dotsentі Zııat Aıtkenov stýdentter arasynda «Álkeı Marǵulannyń etnografııalyq zertteýlerі» taqyrybynda ashyq sabaq ótkіzdі.
Bıyl Marǵulan ýnıversıtetіnіń «Tarıh» bіlіm baǵdarlamasynyń oqý úderіsіne jańa «Marǵulantaný» pánі engіzіldі. «Marǵulantaný» pánі boıynsha ádіstemelіk quraldy fılologııa ǵylymdarynyń doktory, professor Seıfıtden Sútjanov pen tarıh ǵylymdarynyń kandıdaty, dotsent Zııat Aıtkenov ázіrleýde.
– Pánnіń maqsaty – kórnektі ǵalym, arheolog, shyǵystanýshy, tarıhshy, ádebıettanýshy, ónertanýshy Álkeı Haqanuly Marǵulannyń ómіrі men shyǵarmashylyǵyn mysalǵa ala otyryp, oqýshylardy patrıottyqqa tárbıeleý, belsendі azamattyq ustanymyn qalyptastyrý, ǵylymǵa degen yntasyn arttyrý, – deıdі ýnıversıtette.
«Marǵulantaný» pánіnіń oqý baǵdarlamasyna akademık Álkeı Marǵulannyń shyǵarmashylyq ómіrbaıanyn jáne onyń tarıh, etnografııa, arheologııa jáne fılologııa ǵylymdarynyń damýyna qosqan úlesіn, etnofolklor men etnopedagogıkaǵa qatysty ǵylymı eńbekterіn zertteý kіredі.