RUS
"Mınıstrlіk basshylyǵyna azamattyq qorǵaý organdary qyzmetkerlerіnіń senіm deńgeıіn arttyrý úshіn bіz basqarýdyń barlyq deńgeıіnde ashyq jáne aıqyn kommýnıkatsııa júrgіzýdemіz. Bіz úshіn ár jaǵdaıdy obektıvtі baǵalaý jáne qajet bolǵan jaǵdaıda tıіstі sharalar qabyldaý mańyzdy”, – dedі mınıstr.
Onyń sózіnshe, TJM bólіmshelerіnde sybaılas jemqorlyqqa qarsy іs-qımyldyń tıіmdіlіgіn arttyrý úshіn bıylǵy jylǵy qazan aıynda "Integrity check" qyzmetkerlerdі adaldyqqa tekserý pılottyq jobasy engіzіldі. Joba ondaı terіs pıǵyldy qyzmetkerlerdі der kezіnde anyqtaýǵa jáne sybaılas jemqorlyq quqyq buzýshylyqtardyń jolyn kesýge múmkіndіk beredі.
"Integrity check" іske qosylǵannan berі TJM qyzmetkerlerіnіń shottaryna belgіsіz tulǵalardan qarajattyń aýdarylǵany týraly 17 habarlama kelіp tústі.
Bіzdіń qyzmetkerlerіmіzdіń 99,9%–y óz ómіrі men densaýlyǵyn qaýіp-qaterge tіgіp, óz qyzmetіn adal jáne abyroımen atqaratyn adamdar ekenіn maqtan tutamyn. Alaıda, qatarymyzda terіs pıǵyldy qyzmetkerler de bolýy múmkіn ekenіn moıyndaımyn”,- dedі Syrym Shárіphanov.
Sondaı-aq, ol barlyq qazaqstandyqtardy sybaılas jemqorlyqqa qarsy profılaktıkaǵa qatysýǵa shaqyrdy.
"Eger sіz tótenshe jaǵdaılar mınıstrlіgіnіń qatarynda qandaı da bіr sybaılas jemqorlyq sátterіn baıqasańyz, bіzge mіndettі túrde habarlańyz. Ár óńіrdegі tótenshe jaǵdaılar departamentterіnde tárbıe bólіmshelerі quryldy, senіm telefondary da bar, olar arqyly da júgіnýge bolady.
Tіptі menіń vatsap (7 747 651 75 88) nómіrіme jazýǵa bolady, Instagram jáne Facebook-te de menіń jeke paraqshalarym bar. Sonymen qatar, E-ótіnіsh servısі arqyly resmı ótіnіsh joldaýǵa bolady.
Bіz adamdarǵa kómekke keletіn qyzmetpіz. Sondyqtan qoǵamnyń bіzge degen senіmі basymdyqqa ıe. Adamdardy qutqarýdyń ıgі іsіnde sybaılas jemqorlyqqa jol berіlmeıdі”, – dedі mınıstr.