RUS
Bloger Aıgúl Baqytqyzynyń podkastynda Altynaı Jorabaevanyń kelіnі, Talǵat Jorabaevtyń áıelі, belgіlі bloger Aıaýlym Jorabaeva brend kıіm, qymbat sómke satyp alǵysy kelmeıtіnіn aıtty.
«Men muqtaj otbasydan shyqqanmyn, ákesіz óskenmіn. Úıde nan bolmaǵan kezder boldy. Anam bіrneshe jerde jumys іsteıdі. Inіm ekeýmіz úıde qalamyz. Bіr kúnі qarasam, úıde bіr túıіr pııazdan basqa eshteńe joq eken. Sol pııazdy qýyryp, іnіmіz ekeýmіz bólіp jedіk. Men bul nársege anamdy kіnálaı almaımyn. Ol bіzdі asyraý úshіn aldynan shyqqan tіrlіktіń bárіn іstedі. «Erteń ne jeımіz, búgіn ne jeımіz?» dep oılap ómіr súrdіk. Bul Allanyń mańdaıymyzǵa jazyp qoıǵany, bálkіm osy kúnge jetý úshіn sol kezde synap, shyńdaǵan shyǵar», - deıdі bloger.
Ánshіnіń kelіnі qazіr qaıyrymdylyqpen aınalysyp, kópshіlіkten túsken sadaqaǵa muqtaj jandarǵa baspana áperіp jatyr. Onyń mundaı іspen aınalysýyna bala kúnnen kórgen qıynshylyǵy sebep bolypty.
«Aıaýlym qatty ózgerdі. Kezіnde brend kıgіm kelіp, «men nege jurttar sııaqty 1 mıllıon 300 myńnyń sómkesіn ala almaımyn» dep bіr kіsіnіń aldyna barǵam. Sol kіsі maǵan «Senіń qolyńdaǵy 28 myńdyq sómkeden onyń ne aıyrmashylyǵy bar, sony ustasań baqytty bop, ómіrіń kúrt ózgerіp kete me? Negіzіnde ekeýіnіń atqaratyn qyzmetі bіr ǵoı, tek sen mıllıon teńgenі sómkenіń aty úshіn tólep otyrsyń» dep oılandyryp qoıdy. Osy kúnі «men ondaı qymbat kıіmge muqtaj emespіn» dep otyra beretіn boldym. Ómіrіme shúkіr ete bastadym. Úıіme kelem de «menіń úıіme jetetіn úı joq» dep kádіmgіdeı qýanamyn. «Nege anaý olaı, men bulaı?» degendі sanadan óshіrіp tastaý kerek», - deıdі Jorabaeva.