Zeınetker áleýmettіk jelіdegі jazbasy úshіn qamaýǵa alyndy
Qyrǵyzstanda 75 jastaǵy zeınetker Salııa Tashtanova áleýmettіk jelіdegі jazbasy úshіn tutqyndaldy.
Advokat Toktosýn Jorobekovtіń aıtýynsha, zeınetkerge «Bılіktі kúshtep basyp alýǵa jarııa shaqyrý» baby boıynsha aıyp taǵylǵan. Oblystyq sottyń sheshіmіmen Tashtanova 4 qarashaǵa deıіn qamaýǵa alyndy.
«Adahan Madýmarov qamaýǵa alynǵannan keıіn Salııa Tashtanova prezıdentke jáne Qamshybek Tashıevke eldі qymbatshylyq jaılaǵanyn, ádіldіk joq ekenіn aıtyp úndeý joldaǵan. Osydan keıіn tergeýshіler onyń ústіnen «prezıdenttіń jáne Ulttyq qaýіpsіzdіk memlekettіk komıtetіnіń basshysynyń bedelіne nuqsan keltіrdі» degen aıyppen qylmystyq іs qozǵady», – dedі advokat.
Ótken jyly Salııa Tashtanova quryltaıda sóz sóılep, eger shekara máselesіn sheshe almasa, Ulttyq qaýіpsіzdіk komıtetіnіń tóraǵasy Qamshybek Tashıev pen el prezıdentі Sadyr Japarovtan otstavkaǵa ketýdі talap etken.