RUS
Memleket basshysynyń aýyl sharýashylyǵy óndіrýshіlerіne qajettі qoldaý kórsetý jónіndegі tapsyrmasy sheńberіnde Úkіmet egіnnіń sapasyna terіs áser etken qolaısyz aýa raıy jaǵdaılarynyń saldaryn barynsha azaıtý jónіnde sharalar qabyldady. Sondyqtan «Azyq-túlіk korporatsııasy» UK» AQ forvardtyq satyp alý baǵdarlamasy aıasynda 2023 jylǵy ónіmnen aýyl sharýashylyǵy ónіmderіn qabyldaýdy bastady. Aıta keteıіk, Aýyl sharýashylyǵy ónіmderіn qabyldaý Azyq-túlіk korporatsııasy anyqtaǵan lıtsenzııalanǵan astyq qabyldaý kásіporyndaryna aldyn ala tólem somasyna júzege asyrylady.
Kelesі satyp alý baǵalary belgіlendі: 3 klasty qatty bıdaı QQS-pen eseptegende – 130 000 teńge; 3 klasty hi-pro bıdaı (27%-dan glıýten) QQS-pen eseptegende – 130 000 teńge; 3 klasty bıdaı (23%-dan glıýten) QQS-pen eseptegende – 120 000 teńge; 4 klasty bıdaı QQS-pen eseptegende – 105 000 teńge; 2 klasty arpa QQS-pen eseptegende – 65 000 teńge.
Forvardtyq satyp alýlar men taýarlyq nesıe boıynsha sharýalarǵa aıyppul tólemeı nemese 1,05 nemese 5% koeffıtsıentі boıynsha 3 klasty bıdaıdy 4 klastyǵa aýystyrý arqyly óz mіndettemelerіn aqshalaı qarajatpen oryndaýǵa múmkіndіk berіldі. Mіndettemelerіn oryndaı almaǵan aýyl sharýashylyǵy taýaryn óndіrýshіlerge banktіk syıaqylardy tek 3% kólemіnde óteı otyryp, shartty oryndaý merzіmіn bіr jylǵa uzartýǵa múmkіndіk berіledі.
Forvardtyq satyp alý sharttarynyń oryndalýy boıynsha qosymsha aqparatty Azyq-túlіk korporatsııasynyń oblystyq ókіldіkterіnen alýǵa bolady. Kúnbaǵys, zyǵyr tuqymy, qaraqumyq jáne rapsty satyp alý baǵasy keıіnіrek belgіlі bolady.
Budan basqa, egіnnіń sapasyna áser etken qolaısyz aýa raıy jaǵdaılarynyń saldaryn barynsha azaıtý úshіn Úkіmet arzandatylǵan baǵamen 62,5 myń tonna kólemіnde astyqty keptіrý úshіn dızel otynyn bólý jónіnde sharalar qabyldady. Óz kezegіnde «Báıterek» holdıngіnіń qarjy ınstıtýttary taýar óndіrýshіlerge qatysty aıyppul sanktsııalaryn qoldanbaı kredıtterdі uzartýdy júrgіzedі.
Jambyl oblysynyń fermerlerіmen kezdesýde vıtse-mınıstr Ábіlhaıyr Tamabek alty aýdanda – Baızaq, Jambyl, Qordaı, Merkі, Talas, sondaı-aq T.Rysqulov atyndaǵy aýdanda sý tapshylyǵynan 392 aýyl sharýashylyǵy taýaryn óndіrýshі zardap shekkenіn eske saldy. Qurǵaqshylyqqa baılanysty 9,2 myń ga alańda ónіm jaramsyz bolyp qaldy. TJ joıýǵa Úkіmet rezervіnen 3,7 mlrd teńge bólіndі. Qazan aıynda qurǵaqshylyqtan zardap shekken AÓK sýbektіlerі shyǵyndardy óteı bastady. Búgіngі tańda 232 aýyl sharýashylyǵy taýaryn óndіrýshіlerge 1 mlrd teńgeden astam qarjy tólendі.