Qazaqstanda áleýmettіk qyzmetkerlerdіń mártebesі kóterіledі

Elіmіzde qazan aıynyń sońǵy jeksenbіsіnde Áleýmettіk qorǵaý júıesі qyzmetkerlerіnіń kúnі atap ótіledі. Qyzmetkerlerdі oqytý jáne olarǵa sanattar bere otyryp, odan árі sertıfıkattaý kózdelgen. Al 2025 jyldan bastap áleýmettіk qyzmetkerlerge eńbekaqy tóleýdіń jańa júıesі engіzіledі.

Halyqty áleýmettіk qorǵaý salasynda jumys іsteıtіn 35 myń mamannyń іshіnde medıtsına qyzmetkerlerі, arnaıy pedagogtar men áleýmettіk qyzmetkerler arnaýly áleýmettіk qyzmetter kórsetedі. Respýblıka boıynsha áleýmettіk qyzmetkerler sany 12704 adamdy quraıdy, onyń 1251-і úkіmettіk emes sektorda jumys іsteıdі.

AÁQ-nyń negіzgі maqsaty – azamattarǵa týyndaǵan áleýmettіk máselelerdі eńserýge kómek kórsetý jáne qoǵam ómіrіne qatysý múmkіndіkterіn qalyptastyrý. Qajettіlіkke baılanysty arnaýly áleýmettіk qyzmetter 8 baǵyt boıynsha usynylady: áleýmettіk-turmystyq, áleýmettіk-medıtsınalyq, áleýmettіk-psıhologııalyq, áleýmettіk-pedagogıkalyq, áleýmettіk-eńbek, áleýmettіk-mádenı, áleýmettіk-ekonomıkalyq, áleýmettіk-quqyqtyq.

AÁQ-ny 740-qa jýyq memlekettіk uıym usynady, onyń іshіnde: 118 memlekettіk arnaýly áleýmettіk qyzmet kórsetý ortalyqtary, 87 memlekettіk kúndіzgі bolý ortalyqtary, 34 memlekettіk ońaltý ortalyqtary, 505 úıde áleýmettіk kómek kórsetý bólіmshelerі.

Búgіngі kúnde AÁQ kórsetý boıynsha áleýmettіk tapsyrysty elіmіzdіń barlyq óńіrlerіnde 189 ÚEU júzege asyrýda.

Áleýmettіk kodekstі іske asyrý aıasynda QR Eńbek jáne halyqty áleýmettіk qorǵaý mınıstrlіgі arnaýly áleýmettіk qyzmetter kórsetý júıesіn jańǵyrtý boıynsha kelesі baǵyttar boıynsha jumys júrgіzýde: AÁQ jáne tarıf belgіleý standarttaryn jetіldіrý; arnaýly áleýmettіk qyzmetter júıesіn monopolııasyzdandyrý jáne deınstýalızatsııalaý; áleýmettіk qyzmetkerlerdіń mártebesіn kóterý.

Áleýmettіk kodekste áleýmettіk qyzmetkerlerge jeke taraý arnalǵanyn atap ótken jón, onda olardyń kásіbı qyzmetіn júzege asyrý kezіndegі quqyqtary men mіndetterі, jumystyń mártebesі men erekshelіkterі, kásіbı qupııa men mіnez-qulyq etıkasy týraly uǵymdar, kásіbı qyzmettі oryndaýǵa baılanysty shekteýler jáne áleýmettіk kepіldіkter kórsetіlgen.

Áleýmettіk kodekstі іske asyrý aıasynda áleýmettіk qyzmetkerlerdіń bіlіktіlіgіn arttyrý kózdeledі. Oqý aıaqtalǵannan keıіn kásіptіk daǵdylarǵa sáıkes sanattar berіle otyryp sertıfıkattalady. Sondaı-aq Áleýmettіk qyzmetkerler tіzіlіmіn qurý kózdelgen, bul múgedektіgі bar adamdardyń ózderіne qajettі mamandy tańdaýǵa múmkіndіk beredі. 2025 jyldan bastap áleýmettіk qyzmetkerlerdіń kásіbı deńgeıі men oryndalatyn jumystardyń kúrdelіlіgіn eskere otyryp, olarǵa eńbekaqy tóleýdіń jańa júıesі engіzіletіn bolady. 

2021-2023 jyldar aralyǵynda áleýmettіk sala qyzmetkerlerіnіń jalaqysy kezeń-kezeńіmen arttyrylǵanyn esterіńіzge salamyz. Nátıjesіnde ár qyzmetkerdіń jalaqysy 2 ese óstі.

Sonymen qatar, qoldanystaǵy qosymsha aqynyń mólsherіn bazalyq laýazymdyq jalaqynyń 30 paıyzynan laýazymdyq jalaqynyń 40 paıyzyna ózgertý jolymen – ákіmshіlіk, kómekshі personal qyzmetkerlerіnіń, memlekettіk uıymdarda jumys іsteıtіn, onyń іshіnde: statsıonarlyq jáne jartylaı statsıonarlyq úlgіdegі medıtsınalyq-áleýmettіk mekemelerde, úıde qyzmet kórsetý, ýaqytsha bolý uıymdarynda jumys іsteıtіn jumyskerlerdіń jalaqysy artty.