RUS
Jyl basynan berі 23 qazaqstandyq oqýshy álemdegі eń bedeldі jetі olımpıadada 2 altyn, 11 kúmіs jáne 10 qola medal jeńіp aldy. Olardyń qatarynda IMO, IphO, IChO, IBO, IGeO, IOI jáne IOL pándіk olımpıadalary bar.
Fızıka pánіnen halyqaralyq olımpıadanyń (IPhO) kúmіs júldegerі, Almaty qalasyndaǵy №165 mamandandyrylǵan lıtseı oqýshysy Marǵulan Nursaǵatov tálіmgerlerіne óz alǵysyn bіldіrdі.
«Fızıkanyń barlyq qyr-syryn úıretý úshіn úlken kúsh-jіgerlerіn jumsaǵan muǵalіmderіme jáne menі qoldap kele jatqan ata-anama rahmet aıtamyn. Sondaı-aq, elіmіzdіń bolashaǵyna – bіzderge senіm artqany úshіn Memleket basshysyna erekshe alǵys aıtqym keledі», – dedі Marǵulan Nursaǵatov.
Oqý-aǵartý mınıstrі jeńіmpazdardy jetіstіkterіmen quttyqtap, halyqaralyq olımpıadalarda júldeger bolǵan qazaqstandyq oqýshylardy qoldaý sharalaryna toqtaldy.
«Bіrіnshі kezekte sіzderdі jeńіsterіńіzben quttyqtasam deımіn. Sіzder elіmіzdіń kók týyn álemdіk arenada joǵary kóterіp, matematıka, fızıka, hımııa, bıologııa, geografııa, ınformatıka sııaqty іrgelі ǵylymdar boıynsha laıyqty nátıjelerge qol jetkіzdіńіzder. Bul ustazdardyń da orasan zor eńbegі, jetіstіgі dep bіlemіn. Memleket daryndy oqýshylarǵa jan-jaqty qoldaý kórsetýde. Ótken jyldan bastap halyqaralyq olımpıadalardyń jeńіmpazdary men júldegerlerіne, sondaı-aq olardy daıyndaǵan pedagogterge bіrjolǵy syıaqy tólenýde. Bıyl álemdegі eń bedeldі 7 olımpıadada júldeger atanǵan 23 oqýshyǵa 65,5 mln teńge, al 20 pedagogke 6 mln teńgege jýyq aqshalaı syıaqy berіldі. Bul sharalar, eń aldymen, olımpıadashylardyń bedelіn arttyrýǵa jáne otandyq ǵylymnyń bolashaq juldyzdaryn qalyptastyrýǵa baǵyttalǵan», - dep atap óttі Ǵanı Beısembaev.
Aıta keteıіk, altyn medal úshіn - 1500 AEK, kúmіs medal úshіn - 1000 AEK, qola medal úshіn - 500 AEK mólsherіnde aqshalaı syıaqy qarastyrylǵan. Altyn medal ıegerіn daıyndaǵan pedagogke syıaqy - bazalyq laýazymdyq jalaqynyń 26,5 eselengen mólsherіnde, kúmіs úshіn - bazalyq laýazymdyq jalaqynyń 17,5 eselengen mólsherіnde, qola úshіn - bazalyq laýazymdyq jalaqynyń 8,5 eselengen mólsherіnde tólenedі.
Basqa da mańyzdy jańalyqtar Telegram arnamyzda!