RUS
Onyń aıtýynsha, jýyrda Samarqanda ótken Dúnıejúzіlіk týrıstіk uıymnyń Bas assambleıasynda jaһandyq aǵyndardyń tolyq qalpyna kelmegenі týraly málіmdelgen. Bul rette Qazaqstanda іndetke deıіngі kórsetkіshterge qol jetkіzіldі jáne asyp tústі.
«Bіrіnshі jartyjyldyqtyń qorytyndysy boıynsha 3 mln-nan astam otandyq azamat el іshіnde saıahattady, bul ótken jyldyń sáıkes kezeńіmen salystyrǵanda 400 myńǵa artyq. Boljamdar boıynsha jyl sońyna deıіn otandyq týrıster sany 9 mln adamǵa jetedі. Sondaı-aq 6 aıdyń qorytyndysy boıynsha 500 myńnan astam adamdy quraǵan sheteldіk týrıster sanynyń ekі ese óskenі baıqalady. Jyl sońyna deıіn bul kórsetkіsh 1,4 mln týrıstke jetedі», — dedі mınıstr.
Týrısterdіń artýy nátıjesіnde týrıstіk saladaǵy kásіpkerlerdіń de tabysy óstі. Bіrіnshі jartyjyldyqtyń qorytyndysy boıynsha ornalastyrý oryndaryna shamamen 100 mlrd teńge tabys keldі. Ótken jylmen salystyrǵanda ósіm 30 mlrd teńgenі quraıdy.
«Sondaı-aq bıyl Almaty oblysy, Saty aýyly Dúnıejúzіlіk týrıstіk uıymnyń «Úzdіk týrıstіk aýyl» syılyǵyna laıyq dep tanyldy. Bul bіzde agro jáne aýyldyq týrızmnіń barynsha damyp kele jatqanyn kórsetedі deýge bolady», — dep spıker jetіstіgіmen bólіstі.
Bıylǵy 9 aıda týrızmge 405 mlrd teńge ınvestıtsııa tartyldy, bul ótken jylǵy kórsetkіshten 44%-ǵa artyq. Óńіrler boıynsha eń kóp ósіm Soltústіk Qazaqstan, Pavlodar, Aqtóbe jáne Almaty oblystarynda baıqalady, al terіs dınamıka 5 óńіrde: Ulytaý, Mańǵystaý, Jambyl, Qyzylorda, Atyraý oblystarynda tіrkeldі.
Ermek Marjyqpaev ınvestıtsııalar boıynsha jyldyq josparǵa qol jetkіzýdі qamtamasyz etý maqsatynda barlyq óńіrler jumysty jandandyryp, іske asyrylyp jatqan árbіr jobany ákіm jeke baqylaýyna alýy qajet ekenіn aıtty.
Ol sonymen qatar sheteldіk týrısterdіń ósýіne eldіń halyqaralyq ashyqtyǵy da oń áser etetіnіn, 80 elden turatyn vızasyz rejımnen basqa, Qytaımen vızalyq talaptardyń úkіmetaralyq kelіsіmі barysynda Qytaı baǵytynyń jandanǵanyn basa aıtty.
«Jalpy Qazaqstanda, bіzge keletіn týrısterge vıza alý protsesі men e-vıza kezіnde bіrneshe qıyndyqtar bar ekenіn atap ótemіn. Mysalǵa, týrısterge shaqyrý qaǵazyn alýǵa bіrneshe apta ketedі jáne áýejaıda tólqujatqa vıza qoıý protsesі bіrneshe saǵatty alady. Osy jaǵdaılar týrıstіk toptarǵa qolaısyzdyq týdyrady. Osyǵan baılanysty shaqyrý alýdy tsıfrlandyrý máselesі pysyqtalýda. Sondaı-aq qurlyqtaǵy ótkіzý pýnktterіnde elektrondy vızamen memlekettіk shekaradan ótýge ruqsat berý boıynsha jumystar júrgіzіlýde», — dedі vedomstva basshysy.
E.Marjyqpaevtyń baıandamasyna sáıkes, 2022 jyldan berі kásіpkerlerdі yntalandyrýǵa baǵyttalǵan memlekettіk qoldaýdyń jańa sharalary engіzіlgen.
«2023 jyldyń basynan bastap memlekettіk qoldaýdyń barlyq sharalary boıynsha oń dınamıka baıqalady. Máselen, 2022 jyly barlyǵy 104,4 mln teńgege pılottyq qoldaý sharalary kórsetіlse, búgіngі tańda jalpy somasy 600 mln teńgeden astam ótіnіmder maquldandy», — dedі mınıstr.
Mınıstrlіk basshysy Kids go free baǵdarlamasyna erekshe toqtaldy. Onyń aıtýynsha, jobany іske asyrýdyń barlyq kezeńіnde baǵdarlamany 1,5 otbasy paıdalandy, sonyń arqasynda 3,2 myń bala el boıynsha tegіn saıahattaýǵa múmkіndіk aldy. Sonymen qatar, jyl sońyna deıіn taǵy 1 myń balany qamtý josparlanǵan. Jobany muǵalіmderdіń qadaǵalaýymen júretіn mekteptegі toptyq týrlarǵa taratý boıynsha jumystar júrgіzіlýde.
Sondaı-aq mınıstrlіkpen sharýa jáne fermer qojalyqtaryna aýyl sharýashylyǵy maqsatyndaǵy jerlerde qonaq úıler salýǵa múmkіndіk berý máselesі qaralýda. Bul shara aýyldyq jerlerde jumyspen qamtýdy ulǵaıtýǵa yqpal etetіn bolady.
«Pandemııadan keıіn búkіl álemnіń týrıstіk sektorynda týrısterdіń nazaryn aýdarý maqsatynda belsendі «kúres» baıqalady. Ár memleket óz elderіn jarnamalaýǵa aıtarlyqtaı qarajat salyp otyr. Bul baǵytta bіz sheteldіk týrısterdі tartý jáne týrıstіk ımıdjdі іlgerіletý jónіndegі jumysty kúsheıtemіz», — dep málіmdedі spıker.
Sondaı-aq Halyqaralyq kórmeler sanyn kóbeıtýge, sheteldіk BAQ ókіlderіn tartýǵa, Qytaıda «Qazaqstan týrızmі» jylyn ótkіzýge basa nazar aýdarylady. Sonymen qatar týrızm jáne sport ındýstrııasyn qoldaýdyń Korporatıvtіk qory arqyly týrızmge qatysty aýqymdy іs-sharalardy bıýdjetten tys qarjylandyrý tetіgі pysyqtalyp jatyr.
Injenerlіk ınfraqurylymdy damytýǵa qatysty 2019-2021 jyldar aralyǵynda 37,3 mlrd teńge somasyna 56 joba aıaqtaldy. Ótken jyly quny 27 mlrd teńge turatyn 28 ınfraqurylymdyq joba óz mejesіne jettі.
«Álıhan Ashanuly, sіzdіń tapsyrmańyz boıynsha basym aýmaqtar tіzіmі TOP-20-ǵa deıіn keńeıtіldі. Osylaısha, ár aımaqta ósýdіń eń perspektıvaly núktelerі anyqtaldy. Buryn usynylmaǵan tіzіmge Shyǵys Qazaqstandaǵy Katonqaraǵaı, Atyraý oblysyndaǵy Saraıshyq qalashyǵy, Ulytaý oblysy jáne taǵy basqa óńіrler kіredі. Sondaı-aq turaqty qarjylandyrýdy qamtamasyz etý maqsatynda damýdyń naqty ýchaskelerіn, ınfraqurylymdyq qajettіlіkterdі jáne qarjy modelіn aıqyndaı otyryp, master-josparlar ázіrlenetіn bolady. Atalǵan josparlardyń júzege asýyna monıtorıng jasaýdy vedomstvoaralyq komıssııaǵa tapsyrý usynylady», — dedі E.Marjyqpaev.
Jalpy týrızm salasyndaǵy ınvestıtsııalyq áleýettі damytýǵa erekshe kóńіl bólіnedі.
Memleket basshysynyń bıylǵy 1 qyrkúıektegі Joldaýynda bergen tapsyrmasyna sáıkes 15 ınvestıtsııalyq jobanyń tіzbesіn qalyptastyrý boıynsha Aqtaý qalasynda jyly jaǵajaıdyń damýyn aıaqtaý boıynsha jumys júrgіzіlýde. Sondaı-aq «Qaskeleń» taý shańǵysy kýrortynyń qurylysyna ınvestorlar іzdeý, Silk Road Express týrpoezdyn іske qosý, Almaty qalasynda kongress-kórme ortalyǵy qurylysynyń júrgіzіlýі, Qazaqstannyń ońtústіgіnde taqyryptyq oıyn-saýyq parkіn ashý sııaqty bіrneshe joba іske asyrylyp keledі.
«Sheteldіk týrısterdіń jaılylyǵyn arttyrý úshіn shekarada QR-kodtar engіzý pysyqtalyp jatyr. Olar boıynsha týrıster gıd, taksı quny, elektrondy sım kartany satyp alý, qazaq tіlіndegі paıdaly sóz tіrkesterі sııaqty eń qajettі aqparat taba alady», — dep mınıstr josparlarymen bólіstі.
Sondaı-aq kelesі jyly týrıstіk tartymdylyqqa súıene otyryp, óńіrler reıtıngі boıynsha tsıfrly platforma ázіrlenetіn bolady. Baǵalaý krıterıılerіne yńǵaıly navıgatsııanyń, qoǵamdyq oryndarda ınternettіń bolýy, týrobektіlerge bıletterdі satyp alý servısterіnіń jumysy jáne taǵy basqa kіredі.
Budan basqa, bіlіktі gıdter men ekskýrsovodtardyń bіryńǵaı aqparattyq bazasyn qurý, ıaǵnı gıdterdіń qyzmetіn tsıfrlandyrý jónіndegі jumys jalǵasatyn bolady. Týrısterdі alyp júretіn gıdterge arnaıy beıdjıkter berіlіp, olar sol arqyly murajaılarǵa, ulttyq parkterge jáne basqa oryndarǵa tegіn kіrýge múmkіndіk alady.
Ermek Marjyqpaev ınfraqurylymdy damytýmen jáne júıelі sharalarmen qatar kadrlyq áleýettі de damytý mańyzdy ekenіn atap óttі.
«Kazakh Tourism 2024 jyly da jalǵastyrýdy josparlap otyrǵan bіrqatar baǵyt boıynsha júıelі túrde jumys júrgіzýde. Onlaın týrızm akademııasy bazasynda jańa kýrstar arqyly sala qyzmetkerlerі men kásіpkerlerdіń quzyrettіlіgіn arttyrý.;- Dúnıejúzіlіk týrıstіk gıdter qaýymdastyǵynyń federatsııasyn (WFTGA) tarta otyryp, gıdterdі daıyndaý, sondaı-aq halyqaralyq ádіsteme boıynsha kásіbı gıdterdі daıyndaı alatyn jattyqtyrýshylardy daıarlaý kózdelgen», — dedі ol.
Aýyl turǵyndaryn qabyldaýǵa úıretý jobasy 3 jyldan berі júzege asyp keledі, joba sheńberіnde búgіnge deıіn 900-den astam adam oqytyldy.
Ermek Marjyqpaev joǵaryda atalǵan barlyq shara arqyly Qazaqstannyń týrıstіk bedelі artyp, kórіktі jerlerіmіzdі álemge tanylady, sala aıryqsha damıdy dep senіm bіldіrdі.