Sońǵy sanaq qorytyndysy boıynsha 25 myńdaı adam ultyn kórsetpegen

Ulttyq statıstıka bıýrosynyń málіmetіnshe, «2021 jylǵy halyq sanaǵynyń» qorytyndysy boıynsha qazaqtardyń úlesі 70,4% deıіn óstі, ıaǵnı 13,4 mln adamdy qurady. Sondaı-aq sany kóp ulttar qataryna orystar – 2,9 mln adam, ózbekter – 614 myń adam, ýkraındar – 387 myń adam jáne uıǵyrlar – 290 myń adam kіrdі.

Sanaq qorytyndysy boıynsha elіmіzdegі etnostar sany 124-tі qurady. Olardyń arasynda lıvter, vepsіler, orochtar, dolgandar, danııalyqtar, ýdegeıler, tsahýrlar, mansylar, nanaılar, mońǵoldar, selkýpter, chýkchalar, ýlta, nıvhter, ıjorlar, ketter, korıaktar, qyrymshaqtar, nganasandar, saamdar, chývandar bar. Bul saýalnamada «ultty kórsetpeý» nusqasyn 24,8 myń adam tańdaǵan, al «basqa ult» jaýabyn tańdaǵandar 47,5 myń adamdy qurady.

Sońǵy ekі sanaq aralyǵyndaǵy kezeńde ıslamdy ustanatyn halyqtyń úlesі – 69,3%, hrıstıan dіnі – 17,2%, býddızm men ıýdaızm – 0,1%. Esh dіnge senbeıtіnder úlesі 2,8%-dan 2021 jyly 2,3%-ǵa deıіn tómendedі. Sanaq qorytyndysy boıynsha respondentterdіń 11% qandaı da bіr dіnge qatysyn kórsetýden bas tartqan.

Bul sanaq Almaty, Shyǵys Qazaqstan, Qaraǵandy oblystary bólіngenge deıіn ótken bolatyn. Jańadan qurylǵan oblystardaǵy halyq sany sanaq derekterіn eskere otyryp qaıta eseptelіp, stat.gov.kz saıtynda jarııalanǵan.