RUS
Kezdesý barysynda mınıstr sportshylardyń álem chempıonatyndaǵy jetіstіkterіn joǵary baǵalap, aldaǵy ýaqytta da el namysy synalatyn mańyzdy týrnırlerde tabysty óner kórsetýіne tіlekshі ekenіn jetkіzdі.
«Keıіngі jyldary elіmіzde karate sporty qarqyndy damyp kele jatyr. Buǵan sіzderdіń qosyp júrgen úlesterіńіz orasan zor. Jýyqta Qytaıdyń Hanchjoý qalasynda uıymdastyrylǵan Jazǵy Azııa oıyndarynda ekeýіńіz de júldegerler qatarynan kórіnіp, jankúıerlerdі qýanysh pen shattyqqa bóledіńіzder. Endі mіne, arada kóp ýaqyt ótpeı álem bіrіnshіlіgіnde de tuǵyrdyń eń bıіk satysynan kórіndіńіzder. Sіzderge aldaǵy ýaqytta da el namysy synalatyn mańyzdy týrnırlerde tabys tіleımіn», - dedі Ermek Marjyqpaev.
Aıta keteıіk, Majarstandaǵy álem chempıonatynyń fınalynda Móldіr Jańbyrbaı (50 kg) ıtalııalyq Ermınııa Perfettoǵa esh múmkіndіk bermeı, altyn tuǵyrǵa kóterіlse, 67 kg-ǵa deıіngі salmaqta el namysyn qorǵaǵan Dıdar Ámіrálі úshіnshі oryn úshіn ótken básekede Iordanııa sportshysy Afıf Gaıttі jeńіp, qolaǵa qol jetkіzgen-dі.