RUS
1 qarasha kúnі túngі mezgіlde Aqtóbe qalasyndaǵy іrі saýda-oıyn saýyq ortalyqtarynyń bіrіndegі saýda ornynan asa іrі kólemde altyn buıymdar urlanǵan. Zergerlіk buıymdardyń joǵalǵanyn satýshy kelesі kúnі tańerteń bіlgen. 29 jastaǵy kásіpkerge keltіrіlgen shyǵyn kólemі 25 mıllıon teńgege jýyqtady.
Osy derek boıynsha polıtsııa qyzmetkerlerі beınekameralardyń jazbalaryn zerdeleý kezіnde medıtsınalyq betperde kıgen er adamnyń saýda ornyna jasyryn kіrіp, kіlt salý arqyly shkaftan altyn buıymdardy urlaǵany anyqtaldy.
Polıtsııa qyzmetkerlerі jedel-іzdestіrý sharalaryn júrgіzý barysynda kúdіktіnіń jeke basyn “іzіn sýytpaı” anyqtady. Ol 25 jastaǵy aýdan turǵyny bolyp shyqty.
Kúdіktіnіń túngі ýaqytta saýda-oıyn saýyq ortalyǵynda adamdardyń azdyǵyn paıdalanyp, ózіnіń 3 sybaılasymen bіrlese áreket jasaǵany anyqtaldy. Olar ortalyqtyń іshіnde bіr-bіrіmen qulaqqap arqyly baılanysyp otyrǵan jáne osy qylmysty jasaǵannan keıіn BQO Oral qalasyna boı tasalaǵan. Kúdіktіlerdіń barlyǵy buryn sottalǵan oblys turǵyndary ekenі anyqtalyp, 2 qarashada olar krımınaldyq polıtsııa qyzmetkerlerіmen Oral qalasynda ustaldy.
Urlanǵan altyndar tárkіlendі. Qazіr Qazaqstan Respýblıkasy Qylmystyq kodeksіnіń 188-babynyń 4-bólіgіmen (Urlyq) qozǵalǵan qylmystyq іs sheńberіnde sotqa deıіngі tergep-tekserý júrgіzіlіp jatyr.