RUS
Qostanaı oblysy polıtsııa departamentіnіń málіmetіnshe, áıel bul jaǵdaı týraly polıtsııaǵa habarlaǵan.
– Ol 21 qazan kúnі WhatsApp jelіsіndegі topqa habarlama jazǵan. Onda et satý týraly habarlandyrý jarııalanǵan. Top ákіmshіsі áıelge tartylǵan et taýsylǵanyna baılanysty tapsyrysty oryndaı almaıtynyn jetkіzgen, – deıdі departamentte.
Keıіn áıelge beıtanys nómіrden farshty topta usynylǵannan da tómen baǵaǵa satyp alýǵa bolatyny týraly habarlama kelgen. Áıel kórsetіlgen nómіrge 13 myń teńge aqsha jіbergen, bіraq ónіmdі almaǵan.
Atalǵan faktі boıynsha QR Qylmystyq kodeksіnіń 190-baby – «Alaıaqtyq» boıynsha sotqa deıіngі tergeý bastalyp, qajettі tergeý áreketterі jasalýde.
Buǵan deıіn Facebook áleýmettіk jelіsіnde qazaqstandyqtarǵa 90 mıllıon teńgege deıіn bar bolǵany 2%-ben nesıe alý týraly usynystar jıі túse bastaǵan. Olar bul aqshaǵa jyljymaıtyn múlіk satyp alýdy nemese kásіp ashýdy usynady. Munyń bárі – alaıaqtardyń іsі.