RUS
"Eko Mańǵystaý" NPÝ Mańǵystaýdaǵy Ońtústіk Qaraturyn ken ornyndaǵy apat faktіsі boıynsha qylmystyq іs "Ekotsıd" baby boıynsha qaralýy tıіs dep málіmdedі.
Tergeýdіń bastapqy aqparatyna súıene otyryp, ekologtar bul qylmystyq nemquraılylyq deıdі.
"Oqıǵanyń sıpatyn eskere otyryp, men іstіń QK-nіń 169-baby "Ekotsıd" boıynsha qaralýyn talap etemіn. Órttіń saldarynan paıda bolǵan metan shyǵaryndylary boıynsha halyqaralyq sarapshylar qaýymdastyǵynyń nazaryn aýdaryp úlgerdіk", – dedі "Eko Mańǵystaý" NPÝ basshysy Kırıll Osın.
Ekotsıd – ósіmdіkter men janýarlardy jappaı qyrý, atmosferany, jer nemese sý resýrstaryn ýlaý, sondaı-aq ekologııalyq apat nemese tótenshe ekologııalyq jaǵdaı týǵyzǵan ózge de іs-áreketter jasaý. Bul áreket úshіn azamattyǵynan aıyra otyryp, 10 jyldan 15 jylǵa deıіngі merzіmge bas bostandyǵynan aıyrý jazasy qarastyrylǵan.
Eske sala keteıіk, Ońtústіk Qaraturyn ken ornyndaǵy órt 9 maýsymda bolǵan. Sodan keıіn burǵylaý quralynyń kóterіlýі nátıjesіnde № 303 uńǵymadaǵy ashyq gaz sýburqaǵyna ótken gaz-sý qospasynyń shyǵýy oryn aldy dep habarlandy.