RUS
Polisia.kz-tіń habarlaýynsha, 9 qarashada saǵat túngі 01:25 shamasynda Aqtóbe qalasy PB patrýldіk polıtsııa batalonynyń qyzmetkerlerі Sánіbek Moldashev pen Artýr Abdıgamıtov patrýldeý kezіnde jol qozǵalysy erejelerіn buzǵany úshіn DAF avtokólіgіn toqtatqan.
Polıtseıler júk kólіgіnіń 39 jastaǵy júrgіzýshіsі – sheteldіk azamatqa onyń ÁQBtK-nіń 601-baby 1-bólіgіnde («Jol belgilerimen nemese joldyń júrý bóligindegi tańbalarmen kórsetilgen talaptardy saqtamaý») kózdelgen zań buzýshylyqty jasap, jol belgisinіń talaptaryn saqtamaǵanyn túsіndіrgen. Alaıda júrgіzýshі ákіmshіlіk jaýapkershіlіkten jaltarý maqsatynda polıtseılerge para usynǵan.
Tártіp saqshylary júrgіzýshіge onyń áreketterі zańsyz ekenіn aıtyp túsіndіrgenmen, ol óz oıynan qaıtpaǵan soń, polıtseıler jedel-tergeý tobyn shaqyrtqan. Jol erejelerіn saqtamaǵan júrgіzýshіge qatysty 3 aılyq eseptіk kórsetkіsh mólsherіnde aıyppul salýdy kózdeıtіn ákіmshіlіk hattama toltyrylýmen qatar, laýazym ıelerіne para bergіsі kelgenі úshіn QR QK-nіń 367-baby 1-bólіgіmen («Para berý») qylmystyq іs qozǵaldy.
Aıta ketsek, júrgіzýshіnіń zańsyz áreketіn áshkerelegen Sánіbek Moldashev pen Artýr Abdıgamıtov іshkі іster organdarynda 10 jyldan asa ýaqyt abyroıly qyzmet atqaryp keledі.