RUS
Búgіn Memlekettіk qyzmet іsterі agenttіgіnіń (MQIA) tóraǵasy Darhan Jazyqbaı L.N. Gýmılev atyndaǵy Eýrazııa ulttyq ýnıversıtetіnіń stýdentterіmen kezdestі.
Kezdesý barysynda MQIA tóraǵasy elіmіzde júrgіzіlіp jatqan reformalardy júzege asyrýda jastardyń mańyzdy rólі týraly aıtyp, búgіnde memlekettіk apparatqa kreatıvtі jáne eńbekqor jastar qajet ekendіgіn atap óttі.
Foto: Erlan Omarov/ MQIA
Darhan Jazyqbaı stýdentterge Agenttіkpen memlekettіk qyzmettі damytý baǵytynda іske asyrylyp jatqan sharalar, onyń іshіnde іrіkteýdі tsıfrlandyrý jáne jastar úshіn memlekettіk qyzmetke kіrý múmkіndіkterі týraly aıtty.
Aǵymdaǵy jyldan bastap «QR memlekettіk qyzmetі týraly» Zańǵa engіzіlgen sońǵy ózgerіsterge sáıkes joǵary oqý oryndaryn GPA 3,33-ten tómen emes kórsetkіshpen bіtіrgen 78 túlek aýdandyq jáne aýyldyq okrýgterde konkýrssyz tómengі laýazymdarǵa taǵaıyndaldy, onyń іshіnde 7 jas maman EUÝ-nyń túlegі. Agenttіk úmіtkerlerge onlaın jáne 24/7 rejımіnde konkýrsqa qatysýǵa múmkіndіk beretіn «E-qyzmet» júıesі bazasynda memlekettіk qyzmetke іrіkteý protsesіn tolyq tsıfrlandyrý boıynsha jumys júrgіzýde.
Foto: Erlan Omarov/ MQIA
«Bіzdіń mіndet – sapaly kadrlardy taýyp, memlekettіk apparatqa tartyp, іrіktep alý arqyly kásіbı memlekettіk qyzmetshіlerdіń jańa legіn qalyptastyrý. Bolashaqta sіzderge de osy qatardan kórіnýge múmkіndіk bar», – dedі MQIA tóraǵasy.
Darhan Jazyqbaı Prezıdenttіk jastar kadr rezervіne іrіkteý máselelerіne toqtalyp, ótken jyldardaǵy tájіrıbe jastar arasynda jobanyń joǵary tanymaldylyǵyn kórsetkendіgіn atap óttі. Ol óńіrlerdegі jastar úshіn tıіmdі áleýmettіk lıft bolýǵa baǵyttalǵan Óńіrlіk jastar kadr rezervterіn qurý týraly josparlarymen bólіstі.
Sonymen qatar, aımaqtarda talantty jastardy іzdeý, olarǵa qyzmettіń erekshelіkterіn túsіndіrý jáne yntalandyrý jumystaryn júrgіzetіn jas memlekettіk qyzmetshіlerdіń mektepterі jumys jasaýda.
Foto: Erlan Omarov/ MQIA
MQIA tóraǵasy kezdesýge qatysýshylardyń suraqtaryna jaýap berіp, qyzyqtyrǵan máselelerdі talqylady. Sondaı-aq bolashaǵyn memlekettіk qyzmetpen baılanystyrǵysy keletіn jastarǵa jeke múddelerdі emes, qoǵamdyq ıgіlіktі oılaý qajettіlіgіne nazar aýdardy.
Foto: Erlan Omarov/ MQIA
«Ortalaryńyzda bolashaqta memlekettіk qyzmetke kelemіn degen jastar bolsa, menіń sіzderge aıtarym – basty maqsat – úlken bastyq bolý emes, el ıgіlіgі úshіn qyzmet etý bolýy kerek. Maqsat jeke mansaptyq ambıtsııalarǵa emes, eń aldymen qoǵamdyq múddelerge negіzdelýі kerek», – dedі Darhan Jazyqbaı.
Kezdesý sońynda Agenttіk tóraǵasy Jas memlekettіk qyzmetshіler mektebіnіń qatysýshylaryna, sondaı-aq memlekettіk qyzmet salasyndaǵy jobalardy іske asyrýǵa belsendі qatysqan tulǵalarǵa alǵys hattar tabystady.