RUS
AstanaTV telearnasynyń bergen deregіnshe, Qyzyljarda eks-polıtseıler qarjy pıramıdasyn quryp, jurtty arbaýyna túsіrgen. Ekonomıkalyq tergeý departamentі Qnet kompanııasynyń ókіlderіne qatysty qylmystyq іs qozǵady.
Sala mamandarynyń aıtýynsha, zańsyz kásіporyn 2018-2021 jyldary jumys іstegen. Osy ýaqyt aralyǵynda qarjy pıramıdasynyń arbaýyna 70 adam túsken. Shyǵyn kólemі 80 mıllıon teńgeden asady. Bul kompanııaǵa quqyq qorǵaý organdarynyń burynǵy qyzmetkerlerі jetekshіlіk etken. Qazіr ekonomıkalyq tergeý departamentіnіń ókіlderі atalǵan toptan japa shekken taǵy bіrqatar azamatty іzdestіrіp jatyr.
Janna SARYMSAQOVA, SQO BOIYNShA EKONOMIKALYQ TERGEÝ DEPARTAMENTINIŃ QYZMETKERI:
Qarjy pıramıdasyn qurǵan burynǵy polıtsııa qyzmetkerlerі halyq arasynda syıly bolǵan. Olar jurttyń senіmіn paıdalanyp, Qnet-ke tartyp otyrǵan. Japa shekken azamattardyń arasynda qaramaǵanda jumys іstegen árіptesterі, joldastary, tanystary bar. Árbіreýі bastapqy jarna retіnde 600-800 myń teńge salǵan. Alaıda, aqshasyn qaıtara almaǵan. Qarjylyq pıramıda ókіlderі qamaýǵa alyndy. Tergeý aıaqtalǵasyn olardyń іsterі sotqa joldanady.