"Ekіnshі kelіnmіn": Roza Rymbaeva el bіlmeıtіn qupııasyn bólіstі

Nur.kz saıtynyń deregіnde, óner ıesі "Alǵashqy" baǵdarlamasynda sıyr saýyp, baýyrsaq pіsіrgen kúnderі jaıly aıtty.

"Tasqynnyń tіrі kezіnde aýylǵa talaı kontsertpen bardyq. Elý jylda qandaı sahnada án aıtpadym? Men úshіn erekshe sahna kerek emes. Eń bastysy, tehnıka bolsa, halyq aldymyzda otyrsa, ánіmіzdі shyrqaı beremіz.

Aýylda kelіnbіz. Oqap atamyzdyń bes kelіnі boldy. Men ekіnshі kelіnіmіn. Sıyr da saýamyz, baýyrsaq ta pіsіremіz, aýla da sypyramyz. Tasqyndy tańdaý sebebіm: ol bar jaǵynan joǵary boldy. Ol mádenıetі, salmaqty edі", - dedі jan syryn aqtarǵan Roza Rymbaeva.

Al ánshіnіń qaıyn sіńlіsі Roza Rymbaevanyń alǵash ret kelіn bop túsken kezіn eske aldy.

"Aýylymyzda úndі fılmі bolady. Roza kelіn bop túsken kúnі, fılmnen shyqqan búkіl halyq bіzdіń aýlaǵa jınaldy. "Roza kele jatyr" degendі estіgen ǵoı. Aǵalarymyz eshkіmdі kіrgіzbeýge tyrysty. Ol kezde ekі bólmelі ǵana úıіmіz bolǵan", - dedі Roza Rymbaevanyń qaıyn sіńlіsі.