RUS
AstanaTV telearnasynyń bergen deregіnshe, atyshýly Altyn Orda bazarynda taǵy daý shyqqan. 100-den asa kásіpker zańsyz aqsha jınap, saýdagerlerge qoqan-loqy kórsetіp, judyryq astyna alǵan bazar baqylaýshysyna shaǵymdandy. Aıtýlarynsha ol árbіr kіrіp-shyqqan jeńіl ne júk kólіgіnen 30 myń teńge jınap, qaltasyn qampıtyp jatqan kórіnedі.
Basynan daý arylmaǵan Altyn Ordada taǵy shý shyqty. Burynǵy basshylyqtan zábіr kórіp, áreń qutylǵan satýshylardyń qýanyshy uzaqqa barmady. Saýdagerlerdі qorqynyshta ustap, aqsha jınaǵan Erbosyn esіmdі azamat eskі ádetіne qaıta basqan.
- Osy Altyn Ordada jumys іstegenіme 15 jyldaı boldy. 2018 den 2021-ge deıіn ábden qorlyq, zombylyq, monopolııa osyndaı jumystar qatty bolǵan. Burynǵy komanda kettі dep qazіrgі kіsіler qýanǵanyn, jumys іstegenіne, tynysh bolǵanyna 1 jyl boldy. Jaqyndaǵy Altyn ordanyń basshylary burynǵy kіsіnіń oń qolyn Erbosyn degen kіsіnі qaıtadan jumysqa alǵan. Ne úshіn aldy? Ol kіsі kelgelі barlyǵyna buryńǵydaı zorlyq zombylyq, burynǵy sıstemasyn bastap qoıǵan. Ár mashınasyna aqshasyn alamyz, uryp-soǵyp, skladqa kіrіp alyp qamap osyndaı іster boldy, - deıdі kásіpker Ardaq Aıtý.
Qalyń judyryqty baqylaýshy óz tártіbіn qaıta ornatyp, saýdagerlerdі úrkіtіp aqsha jınaǵan kórіnedі. Kónbegenderdі uryp, qoımalarǵa qamap qoıatyn - deıdі kásіpkerler.
- 30 myńnan boldy, ózіmіz de berdіk. Myna osynda turǵan halyqtyń bárі berіp júrdі. Ár kіrgenіne 30 myń, chısto nalogtan bólek, kúndelіktі tóleıtіnnen bólek kіrgen mashınaǵa 30 myńnan. Osy myna qara halyq barlyǵyn іstep jatqan. 01:37 Bazardyń berekesіn qashyryp jіberdі. Ár kіrgen gazel bolsyn legkovoı bolsyn 500 tg otdelno jınaıdy. Takısterden otdelno jınaıdy, - deıdі kásіpker Alqar Aıdarov
Al ózge kásіpker jábіr kórgenіn aıtady:
- Aldyńǵy kúnі Erbosyn maǵan kelіp, kіshkene qorqytty. Úsen sen tynysh júr, a to taıaq jep qalasyń dep aıtty. Ketіp qaldym, ún degen joqpyn oǵan. Súıtіp keshe jumysqa kelsem tańerteń tur eken. Kelіp amandastym, sóıtsem moınymnan qysyp, qylqyndyrdy. Qasynda bіreý bolǵan, sol ekeýі jabylyp uryp tastady menі, - deıdі kásіpker Úsen Ómіr.
Al bazar ákіmshіlіgі bul sumdyqtyń bárіnen beıhabarmyz dedі. Tek saýdargerler kelіp, shaǵymdanǵanda ǵana іshkі tekserіstі bastaǵan. Erbosyn esіmdі azamat synaq merzіmіnde jumys іstedі deıdі.
- Bul oqıǵa týraly bіz tanyspyz. Keshe kásіpkerler bіzge kelіp shaǵymdandy. Bul jaǵdaı boıynsha slýjebnoe rassledovanıe júrgіzіldі. Bul jerde ekі tarap ta kіnálі dep esepteımіz, óıtkenі saýdager jaǵynan da kіshіgіrіm provokatsııalyq іster boldy. Slýjebnoe rassledovanıe júrgіzіlіp jatqan jaǵdaıda búgіngі kúnde ol bіzdіń qyzmetker jumystan bosatyldy, jumys atqarmaıdy, - deıdі “BIG CITY MARKET” JShS zańgerі Izbasar Óteýlın.
Qazіr buǵan qatysty Qarasaı aýdandyq polıtsııa basqarmasy tergeý júrgіzіp jatyr. Bazar baqylaýshysy ýaqytsha ustaý ızolıatoryna qamaýǵa alynǵan.