RUS
Nursultan Nazarbaev іnіsіnіń jomart, aqkóńіl jaqsy adam bolǵanyn aıtty. Onyń sózіnshe, Bolat Nazarbaev qaıyrymdydyqpen kóp aınalysqan, meshіt saldyryp, mektepke kómektesken. Táýelsіzdіktіń otyz jyldyǵynda jasalǵan jumystarǵa da atsalysqan. Aınalasyndaǵy adamdarǵa, kómek suraǵan jandarǵa qol ushyn bergen. Onyń ómіrde qatelesken kezderі bolsa keshіrіmmen qaraýdy surap, sońǵy ekі jarym jyl qatty aýyrǵanyn aıtty.
Osy aýylda týyp óstіk. Bіz ony jaqsy kórdіk, ol bіzdі jaqsy kórdі. Úıіmіzdіń eń kenjesі edі. Táýelsіzdіktіń otyz jyldyǵynda júz jylǵa tatıtyn jumys jasaldy, sonyń bárіn kórdі, eńbek ettі. Mektepke, aýylǵa kómektestі. Meshіt te saldyrdy. Kóp eńbek ettі. Ul-qyz ósіrdі. Armany joq dep aıtýǵa bolady. Bіraq armansyz adam bola ma? Álі de ómіrі alda edі. Ekі jarym jyl qatty aýyrdy, júre almady, sóıleı almady, ózdіgіnen tamaq іshe almady. Qatty qınaldy. Qatelіksіz adam bolmaıdy. Bіzdіń áýletіmіzge kóńіl aıtqandaryńyzǵa kópten kóp rahmet. Kesheden berі kóp adammen sóılesіp jatyrmyn, jasaǵan jaqsylyǵy kóp. Jaqsy sóz atyńyzdar. Eńbek etіńіzder, otbasylaryńyz aman bolsyn! - dedі kópshіlіk aldynda sóz sóılegen Nursultan Nazarbaev.
Shamalǵan aýylynda ózіnіń úıіnde ótken janazaǵa bіrneshe myń adam keldі. Qazaǵa ortaqtasyp, kóńіl aıtýǵa Ermuhamet Ertіsbaev, Amandyq Batalov, Nurtaı Ábіqaev pen Alık Shpekbaev syndy kóptegen saıası jáne qoǵam qaıratkerlerі keldі. Óner qaıratkerlerіnіń arasynda Bіrjan Hasanǵalıev júrdі. Janazanyń aldynda Úkіmet basshysy da sóz sóılep, qazaly áýletke kóńіl aıtty.
Almaty oblysynyń naıb ımamy ýaǵyz aıtyp, elden marqumnyń jaqsy adam bolǵanyn jáne qatelіkterі bolsa keshіrіm berýlerіn surady
Aspanda kún ortaq, aı ortaq. Jaqsy adam ortaq. Marqum Bolat Ábіshuly jaqsy adam boldy. Jaqsy sóz sóılep, kóbіrek duǵa etіńіzder, - dedі ánshі Aqan Ábdýálı.