Qorǵanys mınıstrі ulyn áskerge jіberýge ýáde berdі
Otyrysta depýtat Rınat Zaıytov «mınıstrdіń balasy, ákіmnіń balasy áskerde júr» degendі buryn-sońdy estіmegenіn aıtyp, zańda sheneýnіkter men olardyń balasyn áskerge barýdy mіndetteý týraly arnaıy norma ázіrleýdі usyndy. Bul týraly Halyq únі aqparattyq agenttіgі habarlap otyr.
Qorǵanys mınıstrі Rýslan Jaqsylyqov depýtat usynǵan normany engіzýdіń qajetі joqtyǵyn aıtty.
«Patrıottyq degen jarııa etіlmeıdі. Buryn Ishkі іster mınıstrі bolǵan Qalmuhanbet Qasymov ekі jıenіn áskerge ózі alyp keldі. Burynǵy senator Muhtar Qul-Muhammedtіń uly mektep bіtіrgen soń desanttyq-shabýyldaý áskerіnde boryshyn ótep, qazіr AQSh-taǵy áskerı ýchılıshcenіń kýrsanty bolyp otyr. Bul úlgі emes pe? Mınıstr men depýttardyń uldaryn bóletіn normanyń qajetі joq. Zań bárіne ortaq, tek ony kіm qalaı oryndaǵany mańyzdy», - dedі mınıstr.
Májіlіs otyrysynan shyqqan soń Qorǵanys mınıstrі jýrnalısterdіń suraǵyna jaýap berіp, óz ulyn áskerge jіberýge daıyn ekenіn málіmdedі.
Ulym jıyrma jasta – stýdent. Oqýyn bіtіrgen soń ózі tańdaǵan baǵyt boıynsha áskerge ózіm jetektep aparamyn. Bіraq onyń arnaıy qurylymdarǵa barǵany abzal, - dedі mınıstr.