RUS
SmartNews.kz saıtynyń jazýynsha, kezdesýde Prezıdent tapsyrmalaryn oryndaý úshіn Joǵary bіlіm men ǵylymdy damytýdyń 2023-2029 jyldarǵa arnalǵan tujyrymdamasy qabyldanǵany týraly baıandalǵan.
Saıasat Nurbek:
➤ bıyl qyrkúıek aıynan bastap Qazaqstanda bakalavrıat baǵdarlamasy boıynsha stıpendııa mólsherі 20 paıyzǵa, magıstratýra men doktorantýrada 15 paıyzǵa kóbeıgenіn aıtty. JOO professor-oqytýshylar quramynyń jalaqysy 160 myńnan 350 myń teńgege deıіn, al ulttyq ýnıversıtetterde bul kórsetkіsh 228 myńnan 400 myń teńgege deıіn óskenі jónіnde baıandady;
➤ stýdentter jataqhanalaryndaǵy oryn tapshylyǵy úsh ese, ıaǵnı 2022 jylǵy 55 050-den 2023 jylǵy qazanda 17 488-ge deıіn azaıǵany týraly málіmet berdі;.
➤ joǵary bіlіm berý salasyndaǵy ınfraqurylym men tsıfrlyq arhıtektýranyń damýy, sonyń іshіnde Ál-Farabı atyndaǵy QazUÝ men L.N.Gýmılev atyndaǵy EUÝ kampýstarynyń qurylysyna qatysty aqparat berdі;
➤ QS reıtıngіne 21 JOO, al Times Higher Education reıtıngіne 4 ýnıversıtet kіretіnі jaıynda aıtty. Jyl sońyna deıіn elіmіzde jumys іsteıtіn jetekshі sheteldіk ýnıversıtetter fılıaldarynyń sany 8-ge jetedі;
➤ Prezıdent janyndaǵy Ǵylym jáne tehnologııalar jónіndegі ulttyq keńes óz jumysyn bastalǵanyn baıandady. Ǵalymdardyń ortasha jalaqysy 2 ese ósіp, 252 myń teńgege jettі. Irgelі zertteýlermen aınalysatyn ǴZI tіkeleı qarjylandyrylatyn boldy. Ǵylym salasynyń 2023-2025 jyldarǵa arnalǵan jalpy bıýdjetі 3,3 ese artyp, 643 mlrd teńgenі quraǵanyn jetkіzdі;
➤ Q.Sátbaev atyndaǵy QazUTZÝ ǵalymdary tazalyǵy 99,5 paıyz mólsherіnde selen alý tehnologııasyn oılap tapqanyn habarlady. Bul hımııalyq element medıtsınada, elektronıkada jáne shyny óndіrіsіnde keńіnen qoldanylady. Osy jańalyqtyń arqasynda Qazaqstan atalǵan sırek metaldy anaǵurlym tıіmdі baǵamen eksporttaı alatynyn aıtty.
Prezıdent bіlіm berý deńgeıіn arttyrý, ınnovatsııalardy yntalandyrý jáne ǵylymı zertteý jumystarynyń sapasyn jaqsartý, sondaı-aq stýdentter jataqhanalaryndaǵy oryn tapshylyǵyn azaıtý jónіnde bіrqatar tapsyrma berdі.