RUS
Halyqqa qyzmet kórsetý ortalyqtary kólіk júrgіzýshіlerіne arnalǵan 70-ke jýyq teorııalyq emtıhan nátıjesі kúshіn joıǵan. Bul týraly sputnik.kz basylymy jazdy.
Teorııalyq emtıhan tapsyrý úshіn "jol júrý erejelerі 3.0" jańa júıesі engelі berі tekserіs kúsheıdі. Shymkent, Túrkіstan, Almaty oblysy men Aqtóbede emtıhan erejelerіn buzǵan azamattardyń nátıjesі joıyldy. Jańa júıe azamattardyń emtıhanda qashyqtyqtan qosylýǵa múmkіndіk beretіn mıkroqulaqqaptardy, HDMI splıtterdі qoldanǵanyn anyqtady. Kólіk júrgіzý kýálіgіn alǵysy kelgender emtıhanda qoldanýǵa tyıym salynǵan ózge de zattardy kıіmnіń jeńіne tyǵyp kіrgen. Sondaı-aq elektrondy qurylǵylar ornatylǵan kıіmmen kіrýge tyrysqan.
"Shymkent qalasynyń turǵyny úshіnshі adamnyń kómegіmen emtıhan tapsyrǵan. Ol jaqyn ornalasqan terezenі qaǵý arqyly durys jaýapty belgіlep otyrǵan. Jańa júıe emtıhan tapsyrýshynyń terezege jıі qaraı beretіnіn anyqtap, aýdıojazba tereze tustan keletіn dybystardy tіrkegen. Nátıjesіnde emtıhan tapsyrýshynyń jaýaptary joıyldy", - deıdі vedomstvo.
Jańa júıe Qazaqstan aýmaǵynda 16 qazanda 83 emtıhan synybyna engіzіlgen.
"Bul júıe engіzіlgelі berі sáttі tapsyrylǵan emtıhandar nátıjesі ekі esege azaıdy. Bul júrgіzýshі kýálіgіn myqty mamandar ǵana alyp jatqandyǵynyń dálelі", - deıdі Memlekettіk korporatsııasy basqarma tóraǵasynyń orynbasary Shyńǵys Orazalımov.
Al emtıhan nátıjesі joıylǵan azamattar endі úsh aıdan keıіn ǵana qaıta tapsyra alady. Jalpy jyl basynan berі mıllıon adam júrgіzýshі kýálіgіn alǵan.