RUS
Smart News habarlaýynsha, 2014 jyly esіrtkі tasymaldady dep Qytaıda ómіr boıyna sottalǵan Aqjarqyn Turlybaı іsіne qatysty tergeý іsіnde ózgerіs joq. Otandasymyzǵa zat tasymaldasyn dep aqsha usynǵan nıgerııalyq azamat Qazaqstanǵa ekstradıtsııalanbaı jatyr. Bul týraly Stan.kz aqparat agenttіgі jazdy.
Bas prokýratýra Turlybaıǵa kıіm dep esіrtkі berіp jіbergen adamnyń Nıgerııada qamaýǵa alynǵanyna bіr jarym jylǵa jýyq ýaqyt ótkenіn málіmdedі. Ony Almaty polıtsııasy tergep jatyr.
“Nıgerııa azamaty Adındý Nonso Fortýnaǵa qatysty "Adamdar tobynyń aldyn ala sóz baılasýymen esіrtkі quraldaryn, psıhotroptyq zattardy ótkіzý maqsatynda zańsyz alý, saqtaý, tasymaldaý" boıynsha qylmystyq іs qozǵaldy. Ony ekstradıtsııalaý týraly suraý dıplomatııalyq arnalar arqyly Nıgerııanyń quzyrly organdaryna jіberіldі”, – dep málіmdedі bas prokýratýranyń baspasóz qyzmetі.
Eske sala keteıіk, qazaqstandyq Aqjarqyn Turlybaı 2014 jyly Gýanchjoý áýejaıynda ustaldy. Odan 4 kelі esіrtkі tabyldy. Sol úshіn oǵan esіrtkі kontrabandasy úshіn aıyp taǵyldy. Bul Qytaıda óte aýyr qylmys bop sanalǵandyqtan, 20 jastaǵy boıjetken ómіr boıyna bas bostandyǵynan aıyryldy.
Aqjarqynnyń qorǵaýshysy onyń nıgerııalyq esіrtkі mafııasynyń qurbany bolǵanyn málіmdedі. Aıtýlarynsha, oǵan nıgerııalyq jіgіt Qytaıǵa bіr sómke brend kıіm-keshegіn tasymaldaýdy suraǵan.
Advokattar qyzdyń Qazaqstanǵa oralýyn talap etkenіmen, Qytaı soty sheshіmdі ózgertpeı, aıyptalýshyny berýden bas tartty. Ol jazasyn Qytaı túrmesіnde ótep jatyr.