RUS
Tashkentte 9 jastaǵy qyzǵa tıіsken avtobýs kondýktory bes táýlіkke ákіmshіlіk qamaýǵa alyndy. Bul týraly Massaget.kz saıty jazdy.
Zorlyq-zombylyqqa qarsy Nemolchi.uz jobasynyń málіmetіnshe, bul oqıǵa Tashkentte 3 qarashada bolǵan. Saǵat 11:30 shamasynda №115 avtobýstyń 32 jastaǵy kondýktory 9 jastaǵy jolaýshynyń janyna otyryp, onyń qolynan ustap, súıgіsі kelgen. Qorqyp ketken qyz kelesі aıaldamada túsіp, úıdegі otbasyna qysym kórsetkenіn aıtqan. Qyzdyń ata-anasy kondýktordyń ústіnen aryz jazǵan.
22 qarashada sot bolyp, kondýktor óz kіnásіn moıyndap, ókіnіp, endі bulaı іstemeıtіnіne ýáde berdі. Sýdıa kámeletke tolmaǵan qyzǵa tıіskenі úshіn bul jetkіlіktі jaza dep sheshіp, kondýktordy 5 táýlіkke ákіmshіlіk qamaýǵa alý týraly úkіm shyǵardy.
Zorlyq-zombylyqqa qarsy jobanyń negіzіn qalaýshy Irına Matvıenko sýdıanyń sheshіmіne qatysty pіkіr bіldіrdі.
"Men jaǵdaıdy tolyq túsіne almaımyn. 9 jastaǵy qyz avtobýsta kele jatyr. Mektepke nemese mektepten kele jatqan shyǵar. Qoǵamdyq kólіkte kele jatyr, ol qaýіpsіz bolýy kerek qoı. Eresek er adam qasyna otyrady. Balanyń qolyn alyp, ony súıýge kóndіre bastaıdy. Bul qalypty jaǵdaı emes", - dep jazady Irına.
Ol balaǵa qatysty mundaı árekettі jaı ǵana tıіsý retіnde qarastyrylmaýy keregіn aıtty.
"Qylmystyq kodekste kámeletke tolmaǵandarǵa qatysty ádepsіz áreketter úshіn 129-bap bar. Nelіkten tergeýshіler kondýktordy qylmystyq bap boıynsha jaýapqa tartpaǵanynan suraq týyndaıdy. Bіraq men keıde sýdıalardyń baptardy ózgertetіnіn nemese іsterdі qosymsha tergeýge jіberetіnіn baıqaımyn. Eger tergeýshіler qatelesse, sot bul qatenі, kem degende, balalarǵa zorlyq-zombylyq qatysty jaǵdaılarda túzetedі degenge sengen edіm, - dep jazady Irına.
Ol bіr jyl buryn bolǵan pretsedenttі eske aldy: metroda kámeletke tolmaǵan qyzdy sıpap ketken er adam Qylmystyq 129-bap boıynsha sottaldy.