RUS
Smart News basylymynyń habarlaýynsha, Qazaqstandyq kaskaderler Rıdlı Skottyń ataqty tarıhı fılmіnde túrlі trıýkterdі oryndap, taǵy bіr belestі baǵyndyrdy. Bul týraly Kazinform basylymy jazdy.
Úsh kún buryn aty ańyzǵa aınalǵan rejısser Rıdlı Skottyń «Napoleon» fılmі prokatqa shyqty.
Atalǵan fılmdі túsіrýge qazaqstandyq Nomad Stunts kaskaderlerі de atsalysqan. Bul jaıly uıym ózіnіń áleýmettіk jelіdegі paraqshasynda habarlady.
«Qorjynymyzdy tolyqtyratyn taǵy bіr joba!» dep súıіnshі surady kaskaderler.
Nomad Stunts jetekshіsі, QR eńbek sіńіrgen qaıratkerі Jandarbek Kúnǵojınovtyń aıtýynsha, olardy bul jobaǵa trıýk qoıýshy Nık Paýel usynǵan. Ol qazaqstandyq jіgіttermen Úndіstandaǵy fılm túsіrіlіmіnde bіrge jumys іstegen edі.
Bul jobada kaskaderlerdіń bіrі Murat Elkenov akter retіnde de óner kórsettі. Onyń rólіn Rıdlı Skottyń ózі belgіlep bergen.
Qazaqstandyqtar fılmde kazaktardyń rólіnde boı kórsetken.
Eske sala keteıіk, «Nomad Stunts» kaskaderlerі «Disney» túsіrgen «Mýlan», Netflix-tіń «Tomırıs», «Marko Polo», «Korolge hat», «Ámіr Temіr», Kıaný Rıvz basty rólde oınaǵan «47 ronın», «Neýderjımye 2», «Reketır 2», «Anaǵa jol», «Shal» syndy fılmderge qatysqan.
Olar sondaı-aq HBO men Apple TV+ servısterі jáne Universal stýdııalarymen jumys jasaıdy.