RUS
Smart News basylymynyń habarlaýynsha, belgіlі jýrnalıst, "Kóremіz" baǵdarlamasynyń júrgіzýshіsі Rýslan Ótepbaı 17 jyl quldyqta bolǵan Nazgúl men Qundyzdyń taǵdyryna qatysty Instagram paraqshasynda jańadan jazba jarııalaǵan.
"Ardaqty aǵaıyn! Nazgúl men Qundyz qaryndastarymyzdyń quldyqtan qutylǵandaryna 3 aı ýaqyt boldy! 17 jyldyq azap pen tozaqty umytý úshіn 3 aı álbette azdyq etedі. Dese de «Kóremіz» ujymy ekі qaryndasymyzdyń bolashaǵy baıandy bolý úshіn bar jaǵdaıatty jasap jatyr. Oǵan sep bolǵan sіzderdіń qoldaýlaryńyz!
Sondaı-aq jýrnalıst dál qazіr túrlі jalǵan aqparattar tarap jatqanyna qatysty pіkіr bіldіrdі.
Áleýmettіk jelіde maǵan qatysty jalǵan aqparattar órіp júr. Aramza arandatýshylarǵa senbeńіzder. Qyzdardy eshqandaı týysyna bermeımіz. Sebebі bul qyzdardyń sіz ben bіzden basqa sener eshkіmі joq. Úsh aıdan berі qyzdar Almaty qalasynda turady. Sіzderden jınalǵan qarajatqa qyzdarǵa páter jaldadyq. Apaly-sіńlіge bas-kóz bolsyn dep kútýshі aldyq. Kúndelіktі dárі-dármegі men jolyna qarajattar jumsalyp jatyr! Sondyqtan ekі qyzǵa dep aqsha aýdarǵan barsha janǵa Alla razy bolsyn!
Maqsatymyz qyzdardyń densaýlyqtaryn retke keltіrіp, qoǵamǵa qosý, ortaǵa beıіmdeý. Alda atqarylar jumystar óte kóp! Bastysy qos qyzǵa sіzderdіń qoldaýlaryńyz aýadaı qajet!
Qyzdardy saǵyndyńyzdar ma? - deıdі jýrnalıst.