RUS
Jaqynda kólіktі mas kúıіnde basqarǵany úshіn ustalǵan Taldyqorǵan qalasynyń 24 jastaǵy turǵyny sotqa júktіlіgі týraly jalǵan medıtsınalyq anyqtamany usyndy. Osylaısha, boıjetken ákіmshіlіk quqyq buzýshylyq úshіn Qazaqstan zańnamasynda kózdelgen jazadan qutylmaqshy bolǵan. Jalǵan qujatty paıdalaný arqyly sotty aldaý faktіsі prokýrorlyq tekserіs barysynda anyqtaldy.
Esterіńіzge sala keteıіk, jaqynda patrýldіk polıtsııa qyzmetkerlerі qatty mas kúıіnde Haval kólіgіn basqarǵan 24 jastaǵy qyzdy ustaǵan. Medıtsınalyq saraptama qyzdyń mas bolǵanyn rastady. Quqyq buzýshyǵa qatysty QR ÁQBtK-nіń 608-baby boıynsha hattama toltyryldy.
Bul baptyń sanktsııasynda 15 táýlіkke qamaýǵa alý jáne 7 jylǵa júrgіzýshі kýálіgіnen aıyrý túrіndegі jaza qarastyrylǵan. Alaıda sotta ol qamaýǵa alý túrіndegі jazadan qutylý maqsatynda júktіlіgіn rastaıtyn medıtsınalyq anyqtamany usyndy.