RUS
SmartNews saıtynyń habarlaýynsha, Nurǵalı Núsіpjanov tanymal brendke ambassador bolǵan. Osy oraıda, belgіlі ánshі Ǵadіlbek Janaı ózіnіń «Instagram» paraqshasyna qazaq baýyrlaryna ókpeleıtіnіn aıtty. Bul týraly ernur.kz saıty jazdy.
«Kóńіlіme qatty tıdі. Aǵaǵa іnі bola almasaq, aǵa bolǵanda іnі erte almaımyz. Bul Nurǵalı Núsіpjanov kókemіz. Sýretі «KETROY» degen erler kıіmіn satatyn dúkende іlіnіp tur. Iesі Denıs degen jіgіt.
Endі oılańyzdarshy, bіz álі kúnge deıіn óz ardaqtylarymyzdy qurmetteı almaı kelemіz. Men muny basqa baýyrlardy qaıraý úshіn aıtyp otyrmyn. Bіr qazaqtyń dúkenіnde óz tulǵalarymyzdyń sýretі joq.
Keshe men osy Denıs degen jіgіtke habarlasyp, rahmet aıttym. «Bіz jasamaǵan nársenі jasapsyń, Alla razy bolsyn!» dedіm. Ózі qazaqsha sóıleıdі, «men de soǵan kúıіnemіn» dedі ol.
Bіzdіń ózіmіz óz aramyzdaǵy kózі tіrі ańyz adamdardy osylaı qurmetteı almaı otyrǵanda, ulty basqa baýyrymyzdyń Nurǵalı aǵamyzdy dúkenіne ambassador etіp alýy kіshkene uıaltyp qoıdy» dedі Ǵadіlbek Janaı.
Ánshіnіń bul synyn jelі qoldanýshylary da qoldady.
«Denıstіń júregіnde ıman bar eken, qazaqtyń ózі qadіrleı almǵan ulylarǵa degen qurmetіne, tіlіne, jerіne, elіne degen qurmetіn osy bіr sýretten-aq baǵalaýǵa bolady», «Denıs ózі satatyn kıіmderdіń etıketkasyna Abaıdyń qara sózderіn jazyp qoıǵan», «Nurǵalı aǵa kúnnen kúnge jasaryp keledі, ol úshіn ýaqyt toqtap qalǵandaı», «Durys, ózіmіz óndіretіn ónіmderge óz adamdarymyz jarnama jasasyn!» dep jazdy kópshіlіk.