RUS
SmartNews saıtynyń habarlaýynsha, 26 mamyrda resmı túrde ajyrasqan soń er adam AHAJ-da eks-áıelіne ekі ret pyshaq sіltegen, jábіrlenýshі oqıǵa ornynda jan tapsyrdy. Qaraǵandy oblysy Qylmystyq іster jónіndegі mamandandyrylǵan aýdanaralyq soty osy qylmystyq іs boıynsha qaskóıge qatysty úkіm shyǵardy. Bul týraly zakon.kz saıty jazdy.
Qaraǵandy oblysynyń Qylmystyq іster jónіndegі mamandandyrylǵan aýdanaralyq sotynyń baspasóz qyzmetіnіń habarlaýynsha, er adamǵa ekі bap boıynsha aıyp taǵyldy. Atap aıtqanda, adam óltіrý jáne sýyq qarýdy zańsyz túrde alyp júrý.
2023 jyly 26 mamyrda Botaqara aýdanynyń AHAJ ǵımaratynda er adam men onyń burynǵy áıelі arasynda janjal týyndaǵan. Sodan keıіn er adam ańshylyq pyshaqty sýyryp alyp, áıeldіń shap aımaǵy men sol jaq buǵana astyna ekі soqqy jasaǵan. Jábіrlenýshі alǵan jaraqattarynan Buqar jyraý aýdanynyń ortalyq aýdandyq aýrýhanasynda es jımastan kóz jumdy.
"Sottalýshynyń kіnásі kýálardyń aıǵaqtarymen, zattaı aıǵaqtarmen, saraptama qorytyndylary jáne basqa іs materıaldarymen dáleldendі. Sottyń úkіmіmen sottalýshy adam óltіrgenі jáne sýyq qarýdy zańsyz túrde alyp júrgenі úshіn kіnálі dep tanylyp, oǵan qylmystardyń jıyntyǵy boıynsha 14 jyl bas bostandyǵynan aıyrý jazasy taǵaıyndaldy jáne jazany óteý qylmystyq-atqarý júıesіnіń ortasha mekemesіnde belgіlendі. Sottalýshynyń jaýaptylyǵy men jazasyn jeńіldetetіn jáne aýyrlatatyn mán-jaılar anyqtalǵan joq. Úkіm zańdy kúshіne engen joq", - delіngen sot habarlamasynda.