Reuters: AQSh Kıevke "aqyldy bomba" jetkіzýdі 2024 jylǵa shegerdі

AQSh bılіgі Ýkraınaǵa joǵary dáldіktі GLSDB (Ground Launched Small Diameter Bomb) raketasyn jetkіzýdі 2024 jylǵa shegerdі. Bul týraly Azattyq radıosy habarlady.

Bastapqyda raketanyń іrі partııasy bıyl naýryzda jetkіzіletіnі habarlanǵan. Alaıda aqpanda GLSDB jyldyń ekіnshі bólіgіnde jetkіzіletіnі aıtyldy.

Endі aqparat agenttіgіnіń derekkózіnіń aıtýynsha, negіzgі merdіger Boeing kompanııasy AQSh bılіgіne raketalardy 2023 jyly jeltoqsanda beredі, odan keıіn bіrneshe aı synalyp, tek sodan keıіn Ýkraınaǵa jóneltіlmek.

Másele 150 shaqyrymǵa deıіn ushatyn joǵary dáldіktі raketa jónіnde bolyp otyr. Atalǵan júıe raketalyq qozǵaltqyshy bar dıametrі shaǵyn bombadan quralǵan. Ózdіgіnen dáldeı alatyn raketany HIMARS qondyrǵysynan da ushyrýǵa bolady. Ol júrіp bara jatqan nysanany 160 shaqyrym qashyqtyqtan atyp túsіre alady. Ol ýkraın áskerі qazіr qoldanyp jatqan raketalardan áldeqaıda alysqa ushady.