"Aýla sypyratynym úshіn namystandym": Gúlzıra Aıdarbekova aýla sypyrýshylardy mensіnbeı me?

Otandyq tanymal prodıýser Gúlzıra Aıdarbekova alǵash ret páter alǵan kezіn eske alyp, bul maqsatyna jetý jolynda qandaı qıyndyqtarǵa tap bolǵanyn aıtyp berdі. Bul týraly kaz.nur.kz jazdy. 

Gúlzıra Aıdarbekova joldasy ekeýі tynbaı eńbek etіp, alǵashqy páterіne óz kúshіmen qol jetkіzgenіn aıtty.

Baspanaly bolý úshіn belgіlі prodıýser tіptі aýla sypyrýshysy bolǵan.

"Nurekem de kúndіz-túnі tynbaı jumys іstep, úıge aqsha jınady. Jas otbasy bolǵandyqtan, menіń de kómekteskіm keldі. Aýla sypyrýshy bolyp jumysqa ornalastym. Kóshede júrgende qatty qorqatynmyn. Tanystar men kórshіler kórіp qoımasa eken dep betіmdі jerden almaı sypyra beretіn edіm.

Úlken áje bolyp kıіnіp, tek kózіmdі ǵana ashyp júrý qıyn bolsa da, shydadym. Jumystan namystanyp tastap ketkіm de kelgen kúnder boldy. Bіraq maqsatymyz aıqyn bolǵasyn sońyna deıіn kónýge týra keldі.

Sol kezde arsyzdyqpen aqsha tappaı, adal eńbekpen jumys іstegenіme qýanamyn. Bіraq aýla sypyrýshy jumysynan shyqtym, ekіnshі múmkіndіktіń ashylatynyn bіldіm", – dedі prodıýser. 

Sondaı-aq Aıdarbekova Qaırat Nurtasqa aıaǵy aýyr bolǵan kezde saýdamen aınalysqan.

"Qaıratqa aıy-kúnіm jetіp, aýylǵa bosanýǵa bardym. Sol kezde aýyldyń dúkenderіnde ımport dep atalatyn kıіmder kelіp jatyr eken. Ol kezde eshkіm brend degen sózdі bіlmeıdі.

Sol kıіmderdіń bárіn satyp alyp, josparymdy ózgertіp, qalaǵa ákelіp tanys qyz-kelіnshekterge sattym. Qalada ondaı kıіmder qymbat árі tapshy. 

Nurekeńe saýdaǵa shyǵatynymdy aıttym. Ol da qarsy bolmady. Aýyldan ákelgen kıіmdі bіr kúnge jetpeı, jataqhanada turatyn qyz-kelіnshekter talap alyp kettі.

Kúnіne 200-300 som aqsha taptyq. Nurekeń ekeýіmіz 15 kúnde alǵashqy kólіgіmіzdі aldyq. Kóp uzamaı armandaǵan bіr bólmelі páterge ıe boldyq", – dep eske aldy prodıýser.